Giampaolo Caruso
Syklist | |
---|---|
Namn | Giampaolo Caruso |
Fødd | 15. august 1980 (43 år) |
Fødestad | Avola, Italia |
Høgd | 1,73 m |
Vekt | 60 kg |
Laginformasjon | |
Lag | Katjusja |
Disiplin | Landevegssykling |
Giampaolo Caruso fødd 15. august 1980 i Avola er ein italiensk profesjonell landevegssyklist som syklar for UCI ProTour-laget Katjusja.
Karriere
Caruso vart europameister i landevegssykling i U23-klassen i 2001, og i oktober same året kom han på andreplass bak Jaroslav Popovytsj i same klassen i VM i Lisboa. Etter dette fekk han proff-kontrakt med det spanske sykkellaget ONCE-Eroski. Fyrste proffsigeren såg ut til å ha kome på femte etappen på Tour Down Under i 2003, men han vart teken for doping, og frådømd sigeren.[1] Etter å ha vore utestengd i seks månadar fortsette han kontrakten med det spanske laget i 2004. Det hadde i mellomtida skift namn til Liberty Seguros og vorte UCI WorldTour-lag. I eindagsrittet Giro di Lombardia i 2005 kom han inn til mål saman med ei lita tetgruppe og vart fjerdemann. Året etter kom han på fjerdeplass på fyrste fjelletappen i Giro d'Italia. Seinare i 2006 vart han vikla inn i Operación Puerto-saka, og sjølv om han til sist vart frikjend følgde saka han heilt til byrjinga av 2009.
I 2009 skreiv han under på kontrakt med det italienske laget LPR Brakes-Farnese Vini. Kontrakten gjekk ut 2011,[2] men han skifta lag til Ceramica Flaminia-Bossini Docce alt midt i 2009-sesongen. Han hadde kontrakt med dei ut 2011,[3] men 6. april 2010, etter at arrangøren av Giro d'Italia hadde kunngjord at Ceramica Flaminia ikkje fekk plass i rittet, fekk han lov til å bryte kontrakten før tida og signerte med det russiske laget Katjusja.[4] Katjusja ynskte Caruso for å ha han som kaptein av laget deira i 2010-utgåva av Giro d'Italia. Han fekk kontrakten sin forlengd for 2012.
Dopingsaker
Caruso vann femte etappen i det australske etapperittet Tour Down Under i 2003, men testa positivt for det anabole steoridet nandrolon, og vart av det italienske sykkelforbundet frådømd sigeren og utestengd frå idretten i seks månader. Han mista også fjerdeplassen samanlagt i rittet, fjerdeplassen i poengtevlinga og åttandeplassen i klatretevlinga, og fekk ei bot på 2000 dollar.[1]
I 2006 vart han namngjeven i samband med den store dopingsaka kalla Operación Puerto, men saka hans vart snøgt lagd vekk av det spanske sykkelforbundet.[5] Den italienske olympiske komiteen gav han to års utestenging frå idretten, og han var suspendert nokre månader, men Caruso anka og vart frikjend i Den internasjonale skilsdomstolen for idretten.[6] Caruso har heile tida sagt seg uskuldig.
Referansar
- ↑ 1,0 1,1 Val Migliaccio (13. oktober 2012). «Cycling body in disgrace after Tour Down Under stage winner exposed as drug cheat». heraldsun.com.au. Henta 20. oktober 2012.
- ↑ Brown, Gregor (1 July 2009). «LPR Brakes welcomes Caruso». Cycling news. Henta 26 January 2010.
- ↑ Brown, Gregor (10 November 2009). «Giampaolo Caruso renews with Ceramica Flaminia for two years». Cycling news. Henta 26 January 2010.
- ↑ Stephen Farrand (6 April 2010). «Katusha signs Giampaolo Caruso». Cycling news. Henta 25 April 2010.
- ↑ Kenny, John (1 August 2006). «Caruso case dropped by Spanish federation». Cycling news. Henta 26 January 2010.
- ↑ Zalewski, Mark (23 January 2009). «Caruso acquitted of Puerto involvement». Cycling news. Henta 26 January 2010.
Kjelder
- Denne artikkelen bygger på «Giampaolo Caruso» frå Wikipedia på engelsk, den 20. oktober 2012.
- Denne artikkelen bygger på «Giampaolo Caruso» frå Wikipedia på tysk, den 20. oktober 2012.