Oleksij Kasjanov
Oleksij Kasjanov | |
Statsborgarskap | Ukraina |
Fødd | 26. august 1985 (38 år) Kadijivka |
Idrett | friidrett |
Tok del i | Sommar-OL 2012, Sommar-OL 2008, Friidrett under Sommar-OL 2016 |
Oleksij Serhijovytsj Kasjanov (fødd 26. august 1985) er ein ukrainsk friidrettsutøvar som spesialiserte seg i mangekamp. Han vann bronsen i tikampen ved verdsmeisterskapen 2009 og kom på sølvplassen ved europameisterskapen 2012.
Aktiv
[endre | endre wikiteksten]Kasjanov sette personbeste med 8 086 poeng då han vart ukrainsk meister i 2008. Dermed fekk han billett til dei olympiske sommarleikane i Beijing, der han vart sjettemann med sine 8 238 poeng. I mars 2009 vart han andremann i sjukampen ved innandørs-EM i Torino med 6 205 poeng, ny landsrekord for Ukraina. Nokre månader seinare vart han nummer fem i Götzis-stemnet med 8286 poeng. Under verdsmeisterskapen i Berlin i august same året gjennomførte han sitt livs beste tikamp, sanka 8 479 poeng og fekk bronsemedaljen, einast gullvinnar Trey Hardee frå USA og Leonel Suárez frå Cuba gjorde det betre.
I 2010 vann Kasjonov TNT-Fortuna-stemnet i Kladno med 8 381 poeng. Våren 2012 vart han nummer 2 i sjukampen ved innandørs-VM, bakom Ashton Eaton frå USA. Om sommaren tok Kasjanov med sine 8 321 poeng sølvmedaljen i tikampen då EM fann stad, tyske Pascal Behrenbruch var hans einaste overmann. Under Sommar-OL 2012 i London enda Kasjanov på sjuandeplass med 8 283 poeng.
I mars 2016 vart Kasjanov for tredje gong nummer 2 i sjukamp i eit stort hallmeisterskap. Han plukka då 6 182 poeng ved innandørs-VM i Portland, men som fire år tidlegare vart han slått av Ashton Eaton. Sidan i 2016 vart han nummer 4 i europameisterskapen med 8 072 poeng. I 2017 enda han på sjuandeplass i Götzis med 8 281 poeng og sjetteplass i verdsmeisterskapen i London med 8 234 poeng,
Kasjanov vart ukrainsk tikampmeister i 2008 og 2020.
Medaljar og plasseringar i internasjonale meisterskap
[endre | endre wikiteksten]- OL 2008 i Beijing: Nr 6 – 8 238 poeng
- VM 2009 i Berlin: Bronsemedalje – 8 479 poeng
- EM 2010 i Barcelona: Braut
- VM 2011 i Daegu: Nr 12 – 8 132 poeng
- EM 2012 i Helsinki: Sølvmedalje – 8 321 poeng
- OL 2012 i London: Nr 7 – 8 283 poeng
- VM 2013 i Moskva: Braut
- EM 2014 i Zürich: Nr 8 – 8 231 poeng
- VM 2015 i Beijing: Nr 9 – 8 262 poeng
- EM 2016 i Amsterdam: Nr 4 – 8 072 poeng
- OL 2016 i Rio de Janeiro: Braut
- VM 2017 i London: Nr 6 – 8 234 poeng
Kjelder
[endre | endre wikiteksten]- Denne artikkelen bygger på «Oleksij Kasjanow» frå Wikipedia på tysk, den 26. juni 2021.