Namnet Mohammad

Det arabiske namnet, med latinske bokstaver stava Mohamed, Mohammed, Muhammad, Moammar, Mahmud, Mehmet osb., er eit muslimsk namn som tyder «den lovpriste». Den mest kjende namneberaren var den muslimske profeten Mohammed.

I dag er namnet det vanlegaste førenamnet i verda. Dette er fordi det er det klart viktigaste namnet innan islam, og svært mange muslimar vel det for barna sine, eller for seg sjølv dersom dei konverterer til islam. Ettersom muslimsk namneskikk ofte inneber at ein bruker namnet til far eller farfar sin som etternamn, er Mohammed òg blant dei mest brukte etternamna i verda.

Det finst mange namn som er avleidde av Mohammed, til dømes Ahmad, Hamid, Humayd og Hamdan. Alle desse namna har tre konsonantar felles, h-m-d, og har alle med tyding «å prisa» å gjera.

Kjende namneberarar

• Profeten Muhammed
• Muhammad ibn Abd al Wahhab, (1703–1792), grunnleggjaren av wahhabirørsla.
• Muhammad Iqbal (1877–1938), indisk diktar, rekna som ein av landsfaderane til Pakistan.
• Mohammed Nadir Shah (1880–1933), konge av Afghanistan.
• Mohammed Mossadegh (1882–1967), statsminister i Iran.
• Elijah Muhammad (1897–1975) leiar av amerikanske Nation of Islam.
• Muhammad Naguib (1901–1984), første president av republikken Egypt.
• Mohammed Rafi (1924–1980), indisk songar i Bollywood.
• Muhammad Zia-ul-Haq (1924–1988) militærdiktator i Pakistan.
• Muhammed Ali (f. 1942 som Cassius Clay), amerikansk boksar
• Mohamed ElBaradei (f. 1942), United Nations International Atomic Energy Agency
• Moammar Gadaffi (f. ca. 1942), libysk diktator
• Mohammad Khatami (f. 1943), president av Iran.