Sameint styresmakt

Einskapleg styresmakt (engelsk unitary authority) er eit omgrep som vert nytta i område med lokalt sjølvstyre på to nivå, for å skildre ei eining som opererer som eitt nivå.

Den næraste parallellen i Noreg er Oslo, som er omkransa av Akershus fylke og deler enkelte fylkeskommunale funksjoner med dette fylket, men som likevel er ei sjølvstendig eining.

New Zealand

Ei einskapleg styresmakt i New Zealand er eit territorielt område som òg utøver funksjonane til eit regionalt råd. New Zealand har fire einskaplege styresmakter: Gisborne District, Nelson City, Tasman District og Marlborough District.

Canada

Ei einskapleg styresmakt i Canada er ein kommune som fungerer som eitt nivå, i ein provins med lokalt sjølvstyre på to nivå. Dei fleste slike einskaplege kommunar er skildra som by, utan noko overliggjande styresmakt som grevskap eller fylke. Innimellom kan dei derimot vere grevskap eller «regionale byer» utan underliggande einingar. Dei fleste einskaplege styresmaktene i Canada ligg i provinsen Ontario.

Storbritannia

Ei einskapleg styresmakt i Storbritannia er eit urbant område som har ein egen administrasjon i staden for å verte administrert som del av eit grevskap. Dei består normalt av ein by med omegn. Som administrative einingar er dei sjølvstendige, men dei inngår likevel i dei seremonielle grevskapa. Det er òg vanleg at dei har visse felles tenester med det administrative grevskapet dei høyrte til før dei fekk status som sjølvstyrte einingar, til dømes brannvesen og politi.

Konseptet oppstod på 1960-talet, men det vart ikkje innført då. Først på 1990-talet starta britiske styresmakter å opprette dei einskaplege styresmaktene.

Dei enkelte bydelane i Stor-London er einskaplege styresmakter; Stor-London er derfor ikkje klassifisert som administrativt grevskap, men som region og seremonielt grevskap.

Kjelder

• Denne artikkelen bygger på «Enhetlig myndighet» frå Wikipedia på bokmål, den 16. november 2009.