Guadalajara i Jalisco
Guadalajara | |||
by | |||
Land | |||
---|---|---|---|
Delstat | Jalisco | ||
Kommune | Guadalajara | ||
Del av | Western Mexico | ||
Areal | 151,4 km² | ||
Folketal | 2 545 200 (2005) | ||
Folketettleik | 10 458 / km² | ||
Grunnlagd | 1542 | ||
Guadalajara i Jalisco 20°40′36″N 103°20′51″W / 20.676666666667°N 103.3475°W | |||
Wikimedia Commons: Guadalajara, Mexico |
Guadalajara er den nest største byen i Mexico. Han er delstatshovudstad for Jalisco, og er den største byen i delstaten. Ved folketeljinga i 2020 hadde byen eit folketal på 1 385 629, medan Guadalajara storbyområde har eit folketal på 5 268 642.[1][2] Det gjer det til det tredje største byområdet i Mexico.
Byen har namn etter Guadalajara i Spania, fødestaden til conquistadorleiaren Nuño de Guzmán. Han vart grunnlagd i 1542 etter at conquistadorar hadde skipa fleire busetnader i området. På 1700-talet hadde han vokse til den andre største byen i Mexico, etter store migrasjonar til koloniane på 1720- og 1760-talet. Under den mexicanske sjølvstendekrigen skipa sjølvstendeleiaren Miguel Hidalgo y Costilla den fyrste revolusjonære regjeringa i Mexico her i 1810. I 1929 enda Cristerokrigen innanfor bygrensene då president Plutarco Elías Calles utropte Grito de Guadalajara. Byen fortsette å veksa gjennom 1900-talet. Byområdet nådde 1 million innbyggjarar på 1960-talet, og gjekk forbi 3 millionar på 1990-talet. I 2018 gjekk folketalet forbi 5 millionar.
Kjelder[endre | endre wikiteksten]
- ↑ «Área Metropolitana de Guadalajara». Gobierno del Estado de Jalisco (på spansk). Henta 1. februar 2021.
- ↑ «Censo de Población y Vivienda 2020 - SCITEL» (på spansk). Henta 1. februar 2021.
- «Guadalajara: by i Mexico» (14. februar 2009). I Store norske leksikon. Fri artikkel henta 18. juni 2015.
- Denne artikkelen bygger på «Guadalajara» frå Wikipedia på engelsk, den 18. juni 2015 og 6. september 2022.
Bakgrunnsstoff[endre | endre wikiteksten]
- www.guadalajara.gob.mx Arkivert 2016-10-02 ved Wayback Machine.