Gerard Nijboer
Gerard Nijboer | |
Statsborgarskap | Kongeriket Nederlanda |
Fødd | 18. august 1955 (68 år) Hasselt |
Idrett | friidrett |
Tok del i | Sommar-OL 1988, Sommar-OL 1984, Sommar-OL 1980 |
Gerard Nijboer, fullt namn Gerardus Hermanus Maria Nijboer, (fødd 18. august 1955) er ein nederlandsk tidlegare maratonløpar frå Hasselt i Overijssel. Han vart europameister på distansen i 1982, to år etter han vann OL-sølv.
Aktiv
[endre | endre wikiteksten]Nijboer vann 26. april 1980 Amsterdam maraton på 2.09.01, ei tid som då var den nest beste i maraton i verda. Tida vart òg hans livsrekord og var nederlandsk bestetid i maraton i 23 år. Seinare vann Nijboer maratonløpet i Amsterdam også i 1984, 1988 og 1989. Opp mot maratontevlinga ved dei olympiske sommarleikane i juli månad same året vart han plaga med sjukdom. Likevel makta han å vere med i ei tetgruppe på fem løparar inn mot stadion. Til sist makta tittelforsvararen frå Montreal, Waldemar Cierpinski, å drage frå, medan Nijboer på si side la dei tre utøvarane frå arrangørlandet Sovjetunionen bak seg. I mål skilde det 17 sekundar fram til Cierpinski og 15 bak til Satymkul Dsjumanasarov.
Den 12. september 1982 vann Nijboer gullmedaljen i maraton ved europameisterskapen i Aten. Han var godt over halvminuttet føre dei to belgiarane Armand Parmentier og Karel Lismont som tok sølv og bronse. For prestasjonen i Aten vart Nijboer kåra til årets nederlandske idrettsutøvar.
Medaljar og plasseringar i internasjonale meisterskap
[endre | endre wikiteksten]- OL 1980 i Moskva: Sølvmedalje – 2.11.20, bakom Waldemar Cierpinski (2.11.03)
- EM 1982 i Aten: Gullmedalje – 2.15.16, framom Armand Parmentier (2.15.51)
- VM 1983 i Helsinki: Nr 29 – 2.16.59
- OL 1984 i Los Angeles: Braut
- EM 1986 i Stuttgart: Nr 6 – 2.12.46
- OL 1988 i Seoul: Nr 13 – 2.14.40
Kjelder
[endre | endre wikiteksten]- Denne artikkelen bygger på «Gerard Nijboer» frå Wikipedia på tysk, den 22. juni 2019.
- Einskildmenn
- Fødde i 1955
- Nederlandske friidrettsutøvarar
- Langdistanseløparar
- Maratonløparar
- Europameistrar i friidrett for Nederland
- Olympiske sølvmedaljevinnarar for Nederland
- Medaljevinnarar under sommar-OL 1980
- Nederlandske deltakarar under sommar-OL 1980
- Friidrettsutøvarar under sommar-OL 1980
- Nederlandske deltakarar under sommar-OL 1984
- Friidrettsutøvarar under sommar-OL 1984
- Nederlandske deltakarar under sommar-OL 1988
- Friidrettsutøvarar under sommar-OL 1988