McMurdo Dry Valleys Long-Term Ecological Research
McMurdo Dry Valleys Long-Term Ecological Research (MCM LTER) er eit amerikansk forskingsprogram for faglege og tverrfaglege studiar av øksosystem til lands og sjøs i eit isfritt område av Antarktis kalla McMurdo Dry Valleys.[1] Programmet vart ein del av LTER-nettverket til National Science Foundation i USA i 1993 og vert finansiert gjennom det amerikanske Office of Polar Programs i seksårsperiodar.[2]
McMurdo Dry Valleys ligg innanfor McMurdo Sound i Ross Dependency, 3500 km rett sør for New Zealand og dannar det største relativt isfrie området (kring 4 800 km²) på Det antarktiske kontinentet.[1] Desse isfrie områda av Antarktis står i skarp kontrast til dei fleste andre økosystema i verda, som finst under langt mindre ekstreme naturtilhøve. Dei evig isdekte innsjøane, dei sjeldant flytande bekkane og det omfattande området med eksponert jordsmonn i McMurdo Dry Valleys er utsette for låge temperaturar, lite nedbør og akkumulering av salt. Dei tørre dalane representerer ein region som ligg på grensa til kva som må til for å oppretthalde liv.
Kjelder
[endre | endre wikiteksten]- ↑ 1,0 1,1 «McMurdo Dry Valleys LTER Overview | McMurdo Dry Valleys LTER», mcm.lternet.edu, henta 25. november 2023
- ↑ «NSF Award Search: Award # 1637708 - LTER: Ecosystem Response to Amplified Landscape Connectivity in the McMurdo Dry Valleys, Antarctica», www.nsf.gov (på engelsk), henta 25. november 2023