Mahamat Déby
| Mahamat Déby | |||
 | |||
| Fødd | arabisk محمد إدريس ديبي إتنو 4. april 1984 (40 år) Massakory | ||
|---|---|---|---|
| Statsborgar av | Tsjad | ||
| Parti | partilaus | ||
| Yrke | militær | ||
| Far | Idriss Déby | ||
| Ektefelle | Aisha Mahamat Idriss Deby Itno | ||
| Alle verv |
| ||
Mahamat Idriss Déby Itno (fødd 4. april 1984) er ein tsjadisk politikar og offiser som har vore leiar for Tsjad sidan 2021, fyrst som president for Overgangsmilitærrådet frå 2021 til 2022, deretter som overgangspresident frå 2022 til 2024, og så som den 7. presidenten i landet etter å ha sigra i presidentval i 2024.[1][2] Han er òg generalsekretær for regjeringspartiet Mouvement patriotique du salut (MPS) sidan 2022. Débry kom til makta 20. april 2021 etter at faren og forgjengarenhans, Idriss Déby, døydde i kamp medan han kommanderte troppar i offensiven mot opprørsgrupper i i Nord-Tsjad. Han hadde tidlegare vore nestkommanderande for militæret under den tsjadiske intervensjonen i Nord-Mali (FATIM).
Bakgrunn og privatliv[endre | endre wikiteksten]
Mahamat Déby blei fødd i 1984 som son av Idriss Déby, den dåverande hovudkommandøren for dei tsjadiske bakkestyrkane, og ei mor frå gouranefolket.[3]
Déby er polygam, og har tre koner.[4][5] Den fyrste kona hans er ei kvinne frå zaghawafolket.[4] I 2010 gifta han seg med den andre kona si, ei sentralafrikansk kvinne og dottera til Abakar Sabone - ein tidlegar minister i regjeringa i Den sentralafrikanske republikken, rådgjevar for Michel Djotodia og leiar for opprørsgruppa Mouvement des libérateurs centrafricains pour la justice.[4] Déby og den andre kona hans skal ha fem barn.[4]
Den tredje kona til Mahamat Déby, Dahabaya Oumar Souni, er ein journalist og medierådgjevar som blir rekna som fyrstedama i Tsjad.[4][5] Souni arbeidde nært med svigerfaren sin, president Idriss Déby, og blei promotert til leiar for PR-kontoret for presidentskapet frå desember 2019 til han døydde.[4] I mai 2021 blei Dahabaya Oumar Souni utnemnd til medierådgjevar for formannskapet i Overgangsmilitærrådet og arbeider no saman med ektemannen Mahamat Déby som medlem av gruppa hans av tekniske rådgjevarar.[5][6][7]
Kjelder[endre | endre wikiteksten]
- ↑ «Idriss Deby's son Kaka named interim head of state, says army spokesman». Arkivert frå originalen 12. august 2023. Henta 22. april 2021.
- ↑ Armstrong, Kathryn; Njie. «Chad's military ruler wins presidential poll» (på engelsk). Arkivert frå originalen 9. mai 2024. Henta 14. mai 2024.
- ↑ «Chad's new President Deby: Son inherits crisis as well as leadership | Reuters».
- ↑ 4,0 4,1 4,2 4,3 4,4 4,5 «Tchad: voici qui est la nouvelle première dame du pays». CamerounWeb. 26. april 2021. Arkivert frå originalen 3. august 2021. Henta 9. juni 2022.
- ↑ 5,0 5,1 5,2 «Tchad: voici Dahabay oumar Souni, la communicante et 3è épouse du président du CMT». CamerounWeb. 8. mai 2021. Arkivert frå originalen 9. juni 2022. Henta 9. juni 2022.
- ↑ «Tchad: le président du CMT s'entoure d'une vingtaine de conseillers techniques». Journal du Tchad. 17. mai 2021. Arkivert frå originalen 20. juni 2021. Henta 11. juni 2022.
- ↑ «Présidence de la République du Tchad: Le Secrétariat Général de la Présidence». Office of the President of Chad. Arkivert frå originalen 11. mai 2022. Henta 9. juni 2022.
- Denne artikkelen bygger på «Mahamat Déby» frå Wikipedia på engelsk, den 30. juni 2024.
