Liadalsnipa
Liadalsnipa | |||
fjell | |||
Liadalnipa sett frå Rjåneset
| |||
Land | |||
---|---|---|---|
Område | Ørsta (Møre og Romsdal) | ||
Fjellkjede | Sunnmørsalpane | ||
Høgd | 924 moh. | ||
Koordinatar | 62°13′47.5″N 6°01′32.6″E / 62.229861°N 6.025722°E | ||
Liadalsnipa 62°13′47″N 6°01′35″E / 62.229788°N 6.026366°E |
Liadalsnipa (924 moh.) er eit fjell i Ørsta på Sunnmøre.[1] Det ligg like ved bygda Liadal ved Ørstafjorden. Båe dei vanlegaste rutene til toppen startar på garden Halse i Liadal. Det krev noko kliving for å kome til topps.
I 1940 vart det oppsett ei vindfløy på toppen av Liadalsnipa. Ei 7 meter lang metallpil vart montert på toppen av ein 6 meter høg stake. Den totale vekta var om lag 500 kg.
I Norsk Landboeblad (red. Sivert Aarflot), nr 26 frå 1810, er der ein artikkel der det mellom anna er vist eit kart over Ørstafjorden og ei teikning av Liadalsnipa sett frå Hovdebygda. Som biletet nederst til høgre viser, blir fjellet her kalla «Saalmunds-Nasa» eller «de Gamles Birkjin».
Frå andre kjelder er det òg kjent at ute frå øyane på Sunnmøre, der dette fjellet var, og framleis er, eit viktig méd og landemerke, vart det før i tida kalla «Salmundnosa».
Kjelder
[endre | endre wikiteksten]- ↑ «Liadalsnipa, Ørsta (Møre og Romsdal)». Yr/Kartverket. Henta 14. mai 2017.
- Helge Standal, Jon Hagen, Gunnar Wangen: Fotturar på Sunnmøre. Iris Forlag 2000.