Novi Pazar
Novi Pazar | |||
---|---|---|---|
| |||
Plassering | |||
Styresmakter | |||
Land | |||
Region | Sentral-Serbia | ||
Distrikt | Raška | ||
Borgarmeister | Mirsad Đerlek | ||
Geografi | |||
Flatevidd - By |
742 km² | ||
Innbyggjarar - Totalt (2002) - folketettleik - Byområde |
85 996 115,9 /km² 54 604 | ||
Koordinatar | 43°09′0″N 20°31′0″E / 43.15000°N 20.51667°E | ||
Tidssone - Ved sommartid |
CET (UTC+1) CEST (UTC+2) | ||
Diverse annan informasjon | |||
Postnummer | 36300 | ||
Bilnummer | NP | ||
Nettstad: www.novipazar.org.rs |
Novi Pazar (serbisk Нови Пазар, tyrkisk Yeni Pazar) er ein by og ein kommune i Raška distrikt i Serbia i den geografiske regionen Sandžak. Byen har om lag 55 000 innbyggjarar, medan kommunen har om lag 85 000 innbyggjarar.
Namn
[endre | endre wikiteksten]Namnet tyder «ny basar» på det lokale språket. Namnet kjem frå det tyrkiske ordet «pazar» og det serbiske/bosniske ordet «novi» som tyder «ny».
Historie
[endre | endre wikiteksten]Byen kom til liv som ein handelsenklave nær byen Ras, som var hovudstad i kongedømet Serbia i mellomalderen. Ras var ikkje ein ideell stad som stoppestad for handelsmennene som reiste langs handelsvegane på Balkan, og ein ny handelsstad vart grunnlagd nokre få kilometer frå hovudstaden (og derfor namnet på byen).
Novi Pazar fekk formelt byrettar i 1459-1461 av Isa-beg Ishaković, som òg var grunnleggjaren av Sarajevo. Dei første skriftlege kjeldene nemner Novi Pazar på 1400-talet då Rådet i Republikken Ragusa sendte ein konsul til byen. Dette vitnar om at byen då alt truleg var utvikla med vegar til Dubrovnik, Niš, Sofia, Konstantinopel, Salonica (Thessaloníki), Sarajevo, Beograd og Budapest. Mange forfattarar skreiv om Novi Pazar og Evliya Celebi noterte at han var ein av dei største byane på Balkan på 1600-talet.
Byen var sete for Novibazar Sanjak under Det osmanske riket frå 1400-talet til 1900-talet.
Novi Pazar Sanjak vart okkupert og administrert av Austerrike-Ungarn frå 1878 til 1908. I 1908 kom området tilbake til Det osmanske riket, fram til 1912 då Serbia tok over under den første balkankrigen. Etter den første verdskrigen vart Novi Pazar mindre viktig.
Kjelder
[endre | endre wikiteksten]- Denne artikkelen bygger på «Novi Pazar» frå Wikipedia på engelsk, den 23. mars 2009.