Oleksandr Klymenko
Oleksandr Klymenko | |
Statsborgarskap | Ukraina |
Fødd | 27. mars 1970 Kyiv |
Død | 7. mars 2000 (29 år) Kyiv |
Idrett | friidrett |
Tok del i | Sommar-OL 1996, Sommar-OL 1992 |
Oleksandr Klymenko[a] (27. mars 1970–7. mars 2000) var ein ukrainisk kulestøytar som tevla for Sovjetunionen til 1991, sidan for Ukraina. Han vart europameister i kulestøyt i 1994, og fekk VM-bronse i 1991.
Aktiv
[endre | endre wikiteksten]Klymenko vann kuletevlinga under junior-VM i 1988 og junior-EM 1989. I 1991-sesongen fekk han sitt internasjonale gjennombrot. Han støytte for fyrste gong over 20 meter og vart både sovjetisk meister og vinnar av universiaden i kulestøyt. I verdsmeisterskapen 1991 i Tokyo fekk han bronsemedaljen etter eit bestestøyt på 20,34 m, sveitsaren Werner Günthör vann ein suveren siger i tevlinga, medan nordmannen Lars Arvid Nilsen fekk sølvmedaljen.
Den 29. mai 1992 sigra Klymenko i den ukrainske meisterskapen med ny personleg rekord på 20,84 meter- Under dei olympiske leikane i Barcelona i 1992 støytte han 20,23 m og vart nummer åtte. Året etter rauk han ut av verdsmeisterskapen i Stuttgart, med knapp margin, allereie i kvalifiseringa. Derimot forsvarte han tittelen som studentmeister i universiaden.
Friidretts-EM 1994 i Helsingfors vart ein stor triumf for kulestøytarane frå Ukraina. Dei tre karane, Klymenko, Oleksandr Bahatsj og Roman Virastjuk la beslag på alle medaljane med høvesvis 20,78 m, 20,34 m og 19,59 m.
Klymenko var 1,95 m høg og vog 115 kg i si tid som aktiv. Relativt tidleg slutta han med friidrett, arbeidde i staden som livvakt. Han vart skoten.
Medaljar og plasseringar i internasjonale meisterskap
[endre | endre wikiteksten]- VM 1991 i Tokyo: Bronsemedalje – 20,34 m
- OL 1992 i Barcelona: Nr 8 – 20,23 m
- VM 1993 i Stuttgart: Utslått i kvalifiseringa (19,37 m -nr 13)
- EM 1994 i Helsingfors: Gullmedalje – 20,78 m, framom Oleksandr Bahatsj (20,34 m)
- VM 1995 i Göteborg: Nr 12 – 18,26 m
Merknadar
[endre | endre wikiteksten]- ↑ Ukrainsk skrift Олександр Клименко
Kjelder
[endre | endre wikiteksten]- Denne artikkelen bygger på «Oleksandr Klymenko (Leichtathlet)» frå Wikipedia på tysk, den 28. september 2014.
- «Oleksandr Klymenko» (på engelsk). Olympedia. Henta 13. mars 2023.
- Einskildmenn
- Fødde i 1970
- Døde i 2000
- Ukrainske kulestøytarar
- Sovjetiske kulestøytarar
- Europameistrar i friidrett for Ukraina
- Deltakarar for SUS under sommar-OL 1992
- Friidrettsutøvarar under sommar-OL 1992
- Ukrainske deltakarar under sommar-OL 1996
- Friidrettsutøvarar under sommar-OL 1996
- Folk myrda med skytevåpen
- Folk frå Kiev