Preben Elkjær
Elkjær i juni 2011 | |||
Personleg informasjon | |||
---|---|---|---|
Fullt namn | Preben Elkjær Larsen | ||
Fødd | 11. september 1957 (66 år) | ||
Fødestad | København i Danmark | ||
Høgd | 182 cm | ||
Posisjon | Angrepsspelar | ||
Seniorkarriere* | |||
År | Lag | Kampar | (Mål) |
1976 | Vanløse | 15 | (7) |
1977–1978 | Köln | 9 | (1) |
1978–1984 | Lokeren | 190 | (98) |
1984–1988 | Verona | 91 | (32) |
1988–1990 | Vejle | 39 | (12) |
Totalt | 333 | (143) | |
Landslag | |||
1975–1976 | Danmark U-19 | 11 | (6) |
1976–1979 | Danmark U-21 | 9 | (9) |
1977–1988 | Danmark | 69 | (38) |
Trenar for | |||
1995-1996 | Silkeborg | ||
* Seniorklubbkampar og mål berre telt for nasjonal liga |
Preben Elkjær Larsen (fødd 11. september 1957) er ein dansk tidlegare fotballspelar (angripar). Mellom 1977 og -88 skåra han heile 38 mål på 69 landskampar for Danmark. Han var sentral då Hellas Verona vart italiensk seriemeister i 1985.
Klubbspel
[endre | endre wikiteksten]Elkjær debuterte med Frederiksberg Boldklub, gjekk deretter til Vanløse Idrætsforening. Knapt 19 år gamal signerte han med den tyske toppklubben FC Köln. Etter eit lite vellukka opphald i Vest-Tyskland vart han i 1978 overført til Lokeren i Belgia. Etter innsatsen under EM i fotball 1984 vart han overført til den italienske Serie A-klubben Verona. I Verona var Elkjær ein nøkkelfigur bak klubbens overraskande italienske meisterskap i 1985. Frå 1988 til han la opp i 1990 spelte han for Vejle Boldklub]. Der avslutta han karrieren med raudt kort i sin siste kamp.
- 1973 - 1975: Frederiksberg Boldklub
- 1975 - 1976: Vanløse Idrætsforening - 15 kampar, 7 mål
- 1976 - 1978: FC Köln - 9 kampar, 1 mål
- 1978 - 1984: Lokeren - 190 kampar, 98 mål
- 1984 - 1988: Hellas Verona - 130 kampar, 48 mål
- 1988 - 1990: Vejle Boldklub - 45 kampar, 12 mål
Landslagsspel
[endre | endre wikiteksten]Preben Elkjær debuterte på Danmark sitt fotballandslag den 27. juni 1977. Han viste då kor målfarleg han kunne vere, skåra begge dei danske måla i 2-1 sigeren over Finland i Helsingfors. I 1978 skåra han i sin andre landskamp sigersmålet då det vart 2-1 over Noreg på bortebane, kort etter å ha vorte bytta inn. Sidan var han fast på landslaget.
Elkjær var ein av dei viktigaste spelarane då det danske landslaget for fyrste gong kvalifiserte seg til eit internasjonalt meisterskap. I 1983 stod han for den fyrste nettkjenninga i bortekampen mot Hellas, der ein 2-0-siger sikra Danmark deltaking ved EM 1984 i Frankrike.
Meisterskapen vart Elkjærs internasjonale gjennombrot. Han skåra mot Jugoslavia og vart matchvinnar i 3-2-kampen mot Belgia. I semifinalen mot Spania sende han, i straffesparktevlinga, Danmarks femte og siste straffe over mål. Spanias siste straffe-eksekutør bomma ikkje og sende Danmark ut av turneringa.
Preben Elkjær var ein av dei beste midtspissane i verda midt på 1980-talet. Han imponerte på landslaget med klassespel gjennom kvalifiseringa til VM i Mexico i 1986. Især 4-2-sigeren over Sovjetunionen den 5. juni 1985, der Elkjær og Michael Laudrup begge stod for to danske mål, står som eit av høgdepunkta i landslagskarriera. I VM vart Elkjær ein av dei store profilane. Han skåra fire mål, tre av dei i 6-1-sigeren over Uruguay.
Elkjær deltok også på det danske landslaget under EM i 1988, der han korkje skåra eller imponerte spelemessig. Den danske innsatsen i meisterskapen varsla eit generasjonsskifte i laget. 0-2-nederlaget mot Vest-Tyskland i EM vart Elkjærs siste landskamp.
Han spelte 69 A-landskampar for Danmark og skåra 38 mål.
Etterrakst
[endre | endre wikiteksten]Etter han la opp som fotballspelar var Elkjær kortvarig trenar hos Silkeborg IF. Seinare kjøpte han seg inn i B 93.
I seinare år har Elkjær kommentert fotball på fjernsyn.