Sant Rémol
Sant Rémol (en ligur San Remo / Sanrému, en italian Sanremo / San Remo, en latin antic Villa Matutiæ) es una vila d'Itàlia, en Ligúria, dins la província d'Impèria, en riba de la mar Mediterranèa (mar Ligura). A 56 385 abitants. Es la quatrena vila de Ligúria per sa populacion après Gènoa, La Spezia e Savona.
Es una localitat toristica, renommada per la cultura dei flors que la celèbran cada an amb lo passacarriera florit Sanremo in Fiore; d'aquí li ven l'escais de Ciutat dei Flors (Città dei Fiori). En mai d'aquò aculhís l'arribada de la corsa ciclista Milan-Sant Rémol, una dei pus classicas en Itàlia, lo festenau de Sant Rémol o festenau de la Cançon Italiana e lo Rali de Sant Rémol en automobila. Es lo sèti dau Casinò de Sant Rémol, un dei quatre presents en Itàlia.