Dia di Himno y Bandera
Dia di Himno y Bandera of Dia 18 di maart ta e dia nacional di Aruba. Dia 18 di maart ta conmemora e introduccion oficial na aña 1976 di bandera di Aruba y himno di Aruba na Stadion Guillermo Trinidad, Dakota.[1] Desde aña 1985 dia 18 di maart ta oficialmente un dia liber na Aruba, despues cu su Conseho Insular a boga pa elimina como dia liber 15 di december, e fecha cu ta celebra Dia di Reino (Statuutdag).[2]
E celebracionnan durante e dia ta consisti di un acto ceremonial sigui pa diferente actividad y manifestacion cultural den tur bario di e isla y museo y monumentonan ta habri porta gratuitamente pa publico. En conexion cu e dia nacional ta organisa festivalnan folklorico di canto cu participante den diferente categoria di edad. Arubanonan den exterior tambe ta celebra e dia nacional, entre otro na Kòrsou y Hulanda. E celebracion na Hulanda ta usualmente riba un otro fecha y ta conoci como Arubadag.[3]
Historia
Durante e Conferencia di Mesa Rondo na Hulanda Aruba a entrega pa prome biaha un peticion pa e pueblo Arubano haya e derecho di autodeterminacion. E delegacion Arubano tabata encabesa pa Shon A. Eman, kende a entrega e peticion cu 2.147 firma na Reina Juliana.[4] Na aña 1976 a celebra 18 maart pa prome biaha y a inaugura oficialmente e himno nacional y a bandera di Aruba. E ta e fecha mas importante den historia di Aruba.
Fuente, nota i/òf referensia
|