Квасы
Село в Украинѣ
Квасы
|
Квасы́, до року 1946 Тисаборкут, укр. Кваси — село в Раховском районѣ Закарпатской области Украины, сѣдлиско Квасовской сельской рады, ку котрой належать тыж села Ситный и Тростянець.[1]
Полога
Село лежить на обох берегах Чорной Тисы о 14 км повыш Рахова. Через село иде желѣзниця Рахово – Ивано-Франковск и автодорога Ужгород – Ивано-Франковск.[1]
История
Перва документована упоминка о селѣ походить з року 1648, а назва села Боркут, мад. Borkút походить з тутешного мадярского диалекта и означать “квасну воду”, минералку. Тоту назву в подобѣ буркут позычили собѣ и мѣстны Румыны. Русинска назва Квасы, истого вызнаму, задокументована уже од року 1725.[2]
Од середины XIX. стороча село достало знамости своима лѣчивыма водами, боркутами, и ту зачало ся розвивати купельництво. При совѣтской добѣ од року 1958 фунговав пансионат «Горска Тиса».[1]
Жерела и одказы
- Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
- Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр. с. 161
- Тронько П. и др. (ред.) Історія міст і сіл України. Том 7. Закарпатська область. К. 1969. укр.
Референции
Навигация по Раховскому району Районный центер: Рахово
|
|
Сторона в данном часѣ е активно редагована участником Igor Kercsa (діскузія) 23:37, 28 юлія 2019 (CEST). Будьте добры, не пробуйте ту жадны змѣны, покля не выгасне тото варованя.
В иншом припадѣ можуть настати конфликты редагованя. Варованя не мать держати сторону веце як два днѣ. |