Sámi Grand Prix
Sámi Grand Prix lea jahkásaš musihkkagilvu maid Sámi Musihkkafestivála lágida, ja vuoiti beassá oassálastit Liet Lávlut-gilvvus. Sámi Grand Prix lágiduvvui vuosttaš geardde 1990:s ja lea dan rájes lágiduvvon juohke jagi. Jagi 2020 Sámi Grand Prix ii goittotge lágiduvvon go oppa Sámi beassášfestivála šluhttejuvvui koronaviruspandemiija dihte.[1] Sámi Grand Prix dollojuvvo Báktehárjjis Guovdageainnus ja das lea sihke juoigan- ja lávlunoassi. Artisttat leat dábálaččat Norggas, Ruoŧas ja Suomas eret. Juoiganoasis leat 10 oasseválddi ja lávlunoasis fas 6 oasseválddi juohke jagi. Juoiganoasis leat árbevirolaš luođit maidda ii leat seaguhuvvon musihkka. Lávlunoasis fas lea ođđamállet sámi musihkka, juogo lávlagat dahje luođit maidda lea seaguhuvvon musihkka. Vuoiti goappáge oasis oažžu 20 000 ruvnno vuoitun. Dasa lassin Áillohaš musihkkabálkkašupmi juhkkojuvvo juohke jagi olbmui dahje olbmuide geat ovddidit sámemusihka. Vuoiti oažžu 25 000 ruvnno vuoitun ja diploma.[2]
Sámi Grand Prix-lávdi veadjá leat sámi deaŧaleamos lávdi, gos sihke easkaálgit ja ámmátartisttat besset čájehit máhtuideaset. Lávlunoasis lea orkeasttar mas muhtun Norgga buoremus čuojaheddjiin leat mielde, ja sii hábmejit lávlagiid artisttaiguin fárrolaga sin demo-lávlagiid vuođul. Demo-lávlla lea dat mainna ohcá beassat mielde Sámi Grand Prix-gilvui. Sámi Grand Prix geažil leat olu ođđa lávlagat ja luođit ilbman, ja erenoamážit 2001 rájes, go Rieban studio ráhkadišgođii Sámi Grand Prix CD-skearruid, de leat lávlagat olu gullogoahtán maiddái radios ja eará sajiin.
Earret eará beasaiga DJ Ánte ja Sara Inga Utsi mielde Norsktoppen-gilvui 2002:s Sámi Grand Prix-lávlagiin "Láhppon". Dat lei mielde gilvvus máŋga vahkku. Sámi Grand Prix-gilvvus "Láhppon" bođii nubbin, muhto šattai goitge mihá eambbo dovddus ja bivnnut go dan jagáš vuoitolávlla. Eará dovddus Sámi Grand Prix-lávlagat, mat čuojahuvvojit olu radios, leat "Ráhkisvuohta seamma lea" mainna Ann-Mari Andersen vuittii 1993:s, "Go beaivváš badjána" mainna Nils Henrik Buljo vuittii 1996:s ja "Liekkas" mainna Sofia Jannok vuittii 2003:s.
Vuoitit
[rievdat | rievdat wikiteavsttain]Lávlunoasi vuoitit
[rievdat | rievdat wikiteavsttain]Jahki | Riika | Artista | Lávlla |
---|---|---|---|
1990 | Sáve | "Muital midjiide" | |
1991 | Marit Elisabeth Hætta Øverli | "Jáddá go beaivi?" | |
1992 | Audhild Valkeinen | "Máná eallinmokta" | |
1993 | Ann Mari Andersen[3] | "Ráhkisvuohta seamma lea" | |
1994 | Inger Marie Gaino Nilut ja Niko Valkeapää | "Duinna gávnnadit" | |
1995 | Niko Valkeapää | "Vádjolus" | |
1996 | Nils Henrik Buljo | "Go beaivváš badjána" | |
1997 | Anne Inger ja Marit Elisabeth Eira | "Don" | |
1997 | Berit Sara | "Min duoddarat" | |
1998 | Anja Vesterheim | "Guorus váibmu" | |
1999 | Anja Vesterheim | "Boares muitu" | |
2000 | Marit Susanne Utsi | "Duinna" | |
2001 | Sofia och Anna | "Meahci mánná" | |
2002 | Elvira Galkina | "Immel agk" | |
2003 | Sofia Jannok | "Liekkas" | |
2004 | Johan Kitti | "Eŋgelat lávllodit" | |
2005 | Poppoo | "Giella ii leat jáddan" | |
2006 | Johan Kitti ja Ellen Sara Bæhr | "Luđiin muitalan" | |
2007 | Ola Stinnerbom | "Snowflow" | |
2008 | Elin Kåven[4] | "Áibbas jaska" | |
2009 | SomBy | "Ii iđida" | |
2010 | Pia-Maria Holmgren | "Geaidnu" | |
2011 | Rolffa | "Gulat go?" | |
2012 | Inger Karoline Gaup | "Oainnát go?" | |
2013 | Melina Kuhmunen[5] | "Árran" | |
2014 | Heli Aikio | "Naharij kanda" | |
2015 | Nils Henrik Buljo | "1+1"[6] | |
2016 | Ella Marie Hætta Isaksen | "Luoddaearru"[6] | |
2017 | Inger Marie Gaino Nilut | "Min duovdagat"[6] | |
2018 | Inger Karoline Gaup | "Oahppan lean"[6] | |
2019 | Saara Hermansson | "Mov laavlome"[6][7][8] | |
2021 | Lávre Johan Eira ja Hildá Länsman[9] | "Jođi" | |
2022 | Ingá-Máret Gaup-Juuso[10] | "Dovdameahttumii" | |
2023 | Mihka ja Andreas[11] | "Ále guođe mu" |
Juoiganoasi vuoitit
[rievdat | rievdat wikiteavsttain]Jahki | Artista | Luohti |
---|---|---|
1990 | Johan Anders Eira | Báktevári searat |
1991 | Anders Nils J. Eira | Anders Nils Eira |
1992 | Anders Nils J. Eira | Johan M. Kemi |
1993 | Marit Gaup Eira | Mihkkal Juhán |
1994 | Anders Aslak N. Eira | Mathis Rasmus |
1995 | Anders Aslak N. Eira | Nils Lars |
1996 | Anders P. Bongo | Mikkel Ánná |
1997 | Marit Gaup Eira | Hilbon Májjáš |
1998 | Nils Jørgen Utsi | John Máhtte |
1999 | Berit Anne Oskal Kemi | Dovnnas luohtái |
2000 | Lars Ante Kuhmunen | Gabna duottar |
2001 | Anfissa Agueva | Meleš |
2002 | Ellen Oskal | Ellen Sara Oskal Gaup |
2003 | Marit Gaup Eira | John Martin |
2004 | John Mathis Utsi | Issát Ánte |
2005 | Anne Berit Peltoperä ja Solveig Skum Solbakken | Áinnut |
2006 | Anna-Reetta Niemelä | Golleeatnama mánná |
2007 | Anne Berit Peltoperä | Helene |
2008 | Ánte Niillas N. Bongo | Sara Inga |
2009 | Inga Biret Márjá Triumf ja Ann Caroline Eira | Johan Martin Eira |
2010 | John Mathis A. Utsi | Rásttoš Jovnna |
2011 | Jan Ole Hermansen | Inga Karita |
2012 | Marit Kristine H Sara | Máhtte Ánte |
2013 | Per Bueng | Kate Heidi |
2014 | Jörgen Stenberg | Nejla |
2015 | Johan Anders Bær | Skomáhkár Ánde |
2016 | Johan Ivvár Gaup | Mikkel Andreas |
2017 | John-André Eira | Svein Egil |
2018 | Hans Ole Eira | Mina Helene |
2019 | Kim Hallgeir Berg | John Heandarat |
2021 | Máhtte Ánte J. Sara | Karen Marianne |
2022 | Jörgen Stenberg[12] | Skilgget |
2023 | Saara Hermansson[11] | Goeksege |
Čujuhusat
[rievdat | rievdat wikiteavsttain]- ↑ Sámi beassášfestivála 2020 šluhttejuvvo: Sámi Beassášmárkanat. Čujuhuvvon 10.4.2020.
- ↑ Rasmus, Sini. Johan Andreas Andersen oaččui Áillohaš bálkkašumi: Unjárga. Čujuhuvvon 10.4.2020.
- ↑ http://www.youtube.com/watch?v=oHszYlHUUpg
- ↑ Rimpi tog bronset i Sámi Grand Prix: SR. Čujuhuvvon June 22, 2009. Swedish
- ↑ http://nrk.no/kanal/nrk_sapmi/1.10968658
- ↑ a á b c č Hætta, Wenche Marie. Hvem-Hva-Når om Sámi Grand Prix - 2018 29.03.2007, beaiv. 06.03.2019: NRK. Čujuhuvvon 20.04.2019. (dárogillii)
- ↑ Saara Hermansson: Sámi Beassášmárkanat. Čujuhuvvon 10.4.2020.
- ↑ Rasmus, Linnea. Oanehaččat: Anne Nuorgam ON bissovaš foruma ságadoallin, Berg ja Hermansson vuittiiga SGP-gilvvu, Áillohaš-bálkkašupmi Domna Khomjukii ja europarlamentarihkkár evttoha sápmelaččaide iežas doaimmahaga Brusselii 23.4.2019: Yle Sápmi. Čujuhuvvon 10.4.2020.
- ↑ Vant Sámi Grand Prix – Barndomsdrøm som har gått i oppfyllelse: NRK. no
- ↑ Ingá-Máret vant sangdelen i årets Sámi Grand Prix: NRK. no
- ↑ a á Vinnerne er kåret!: NRK. no
- ↑ Joikevinneren: – Den viktigste joiken jeg noen gang har laget: NRK. no