ⵡⵉⵍⵍⵢⴰⵎ ⵛⵉⴽⵙⴼⵉⵔ
ⴰⵏⴰⵡ ⵏ ⵡⴰⵔⵉⵙ | ⵎⴰⵙⵛⵓⵍⵉⵏ |
---|---|
ⵜⴰⵎⴰⵣⵉⵔⵜ ⵏ ⵜⵖⵍⴰⵏⵜ | ⵔⵓⵢⴰⵓⵎⴻ ⴷ'ⴰⵏⴳⵍⴻⵜⴻⵔⵔⴻ |
ⵉⵙⵎ ⵙ ⵜⵓⵜⵍⴰⵢⵜ ⵜⴰⵢⵎⵎⴰⵜ | ⵡⵉⵍⵍⵉⴰⵎ ⵙⵀⴰⴽⴻⵙⴱⴻⴰⵔⴻ |
ⵉⵙⵎ ⴰⵎⵣⵡⴰⵔⵓ | ⵡⵉⵍⵍⵉⴰⵎ |
ⴹⴼⵕⵉⵙⵎ | ⵙⵀⴰⴽⴻⵙⴱⴻⴰⵔⴻ |
ⵙⵓⵔⵏⵓⵎ | ⵜⵀⴻ ⴱⴰⵔⴷ ⵓⴼ ⴰⴼⵓⵏ |
ⴰⵙⵙⴼ ⵏ ⵜⵍⴰⵍⵉⵜ | ⵉⴱⵔⵉⵔ 1564 |
ⵉⴷⴰ ⵏ ⵜⵍⴰⵍⵉⵜ | ⵙⵜⵔⴰⵜⴼⵓⵔⴷ ⵓⴱⵓⵏ ⴰⴼⵓⵏ |
ⴷⴰⵜⴻ ⴷⴻ ⴱⴰⴱⵜêⵎⴻ | 26 ⵉⴱⵔⵉⵔ 1564 |
ⴰⵙⵙⴼ ⵏ ⵜⵎⵜⵜⴰⵏⵜ | 23 ⵉⴱⵔⵉⵔ 1616 |
ⵉⴷⴰ ⵏ ⵜⵎⵜⵜⴰⵏⵜ | ⵙⵜⵔⴰⵜⴼⵓⵔⴷ ⵓⴱⵓⵏ ⴰⴼⵓⵏ |
ⵛⵉⵔⵛⵓⵏⵙⵜⴰⵏⵛⴻⵙ ⴷⴻ ⵍⴰ ⵎⵓⵔⵜ | ⵛⴰⵓⵙⴻⵙ ⵏⴰⵜⵓⵔⴻⵍⵍⴻⵙ |
ⵛⴰⵓⵙⴻ ⴷⴻ ⵍⴰ ⵎⵓⵔⵜ | ⴼⴰⵍⴻⵓⵔ ⵉⵏⵛⵓⵏⵏⵓⴻ |
ⴷⴰⵜⴻ ⴷ'ⴻⵏⵜⴻⵔⵔⴻⵎⴻⵏⵜ ⵓⵓ ⴷⴻ ⵛⵔéⵎⴰⵜⵉⵓⵏ | 25 ⵉⴱⵔⵉⵔ 1616 |
ⵜⵉⵎⴹⵍⵜ | éⴳⵍⵉⵙⴻ ⴷⴻ ⵍⴰ ⵙⴰⵉⵏⵜⴻ-ⵜⵔⵉⵏⵉⵜé ⴷⴻ ⵙⵜⵔⴰⵜⴼⵓⵔⴷ-ⵓⴱⵓⵏ-ⴰⴼⵓⵏ |
ⴱèⵔⴻ | ⵊⵓⵀⵏ ⵙⵀⴰⴽⴻⵙⴱⴻⴰⵔⴻ |
ⵎèⵔⴻ | ⵎⴰⵔⵢ ⵙⵀⴰⴽⴻⵙⴱⴻⴰⵔⴻ |
ⵛⵓⵏⵊⵓⵉⵏⵜ ⵓⵓ ⵛⵓⵏⵊⵓⵉⵏⵜⴻ | ⴰⵏⵏⴻ ⵀⴰⵜⵀⴰⵡⴰⵢ |
ⴻⵏⴼⴰⵏⵜ | ⵙⵓⵙⴰⵏⵏⴰ ⵀⴰⵍⵍ, ⵀⴰⵎⵏⴻⵜ ⵙⵀⴰⴽⴻⵙⴱⴻⴰⵔⴻ, ⵊⵓⴷⵉⵜⵀ ⵇⵓⵉⵏⴻⵢ |
ⵍⴰⵏⴳⵓⴻ ⵎⴰⵜⴻⵔⵏⴻⵍⵍⴻ | ⴰⵏⴳⵍⴰⵉⵙ ⵎⵓⴷⴻⵔⵏⴻ ⵏⴰⵉⵙⵙⴰⵏⵜ |
ⵜⵓⵜⵍⴰⵢⵉⵏ ⵙ ⴰⵔ ⵉⵙⴰⵡⴰⵍ, ⴷ ⵙ ⴰⵔ ⵉⵜⵜⴰⵔⴰ | ⴰⵏⴳⵍⴰⵉⵙ ⵎⵓⴷⴻⵔⵏⴻ ⵏⴰⵉⵙⵙⴰⵏⵜ |
ⵜⵓⵜⵍⴰⵢⵉⵏ ⵏ ⵜⵉⵔⵔⴰ | ⴰⵏⴳⵍⴰⵉⵙ ⵎⵓⴷⴻⵔⵏⴻ ⵏⴰⵉⵙⵙⴰⵏⵜ, ⵜⵓⵜⵍⴰⵢⵜ ⵜⴰⵏⴳⵍⵉⵣⵜ |
ⵜⴰⵡⵓⵔⵉ ⴷ ⵎⴰⴷ ⵉⵙⴰⵍⴰ | ⴷⵔⴰⵎⴰⵜⵓⵔⴳⴻ |
ⵙⵛⵓⵍⴰⵔⵉⵜé | ⴽⵉⵏⴳ ⴻⴷⵡⴰⵔⴷ ⴼⵉ ⵙⵛⵀⵓⵓⵍ, ⵙⵜⵔⴰⵜⴼⵓⵔⴷ-ⵓⴱⵓⵏ-ⴰⴼⵓⵏ |
ⵔéⵙⵉⴷⴻⵏⵛⴻ | ⵙⵜⵔⴰⵜⴼⵓⵔⴷ ⵓⴱⵓⵏ ⴰⴼⵓⵏ |
ⴰⴼⴼⵉⵍⵉé à | ⵍⵓⵔⴷ ⵛⵀⴰⵎⴱⴻⵔⵍⴰⵉⵏ'ⵙ ⵎⴻⵏ, ⴽⵉⵏⴳ'ⵙ ⵎⴻⵏ |
ⵍⵉⵙⵜⴻ ⴷⴻ ⵙⴻⵙ œⵓⴼⵔⴻⵙ | ⵡⵉⵍⵍⵉⴰⵎ ⵙⵀⴰⴽⴻⵙⴱⴻⴰⵔⴻ ⴱⵉⴱⵍⵉⵓⴳⵔⴰⴱⵀⵢ |
ⴰⵏⴰⵡ ⵏ ⵜⵥⵓⵕⵉ | ⴱⵉèⵛⴻ ⴷⴻ ⵜⵀéâⵜⵔⴻ, ⴱⵓéⵙⵉⴻ |
ⴱⵔéⵙⴻⵏⵜ ⴷⴰⵏⵙ ⵍ'œⵓⴼⵔⴻ | ⵙⵜⴰⵔ ⵜⵔⴻⴽ: ⵜⵀⴻ ⵓⵔⵉⴳⵉⵏⴰⵍ ⵙⴻⵔⵉⴻⵙ ⵛⵓⵔⴻ ⴳⴰⵎⴻ ⴱⵓⵓⴽ |
ⴰⵙⵔⴰ | ⵔⴻⵏⴰⵉⵙⵙⴰⵏⵛⴻ ⴰⵏⴳⵍⴰⵉⵙⴻ |
ⴷⵉⵙⵛⵉⴱⵍⵉⵏⴻ ⴷⵓⵏⵜ ⵛ'ⴻⵙⵜ ⵍ'ⵓⴱⵊⴻⵜ | ⵙⵀⴰⴽⴻⵙⴱⴻⴰⵔⴻ ⵙⵜⵓⴷⵉⴻⵙ |
ⴻⵙⵜ ⵔⴻⴱⵔéⵙⴻⵏⵜé ⴱⴰⵔ | ⴱⵓⵔⵜⵔⴰⵉⵜ ⵛⵀⴰⵏⴷⵓⵙ |
ⵛⵓⵍⵍⴻⵛⵜⵉⵓⵏ ⵛⵓⵎⴱⵔⴻⵏⴰⵏⵜ ⵓⵏⴻ œⵓⴼⵔⴻ ⴷⴻ ⵍⴰ ⴱⴻⵔⵙⵓⵏⵏⴻ | ⵎⵉⵏⵏⴻⴰⴱⵓⵍⵉⵙ ⵉⵏⵙⵜⵉⵜⵓⵜⴻ ⵓⴼ ⴰⵔⵜ, ⵏⴰⵜⵉⵓⵏⴰⵍ ⴳⴰⵍⵍⴻⵔⵢ ⵓⴼ ⴰⵔⵜ, ⵎⵓⵙéⴻ ⴷ'ⴰⵔⵜ ⵏⴻⵍⵙⵓⵏ-ⴰⵜⴽⵉⵏⵙ, ⵙⵜⴻⴷⴻⵍⵉⵊⴽ ⵎⵓⵙⴻⵓⵎ ⴰⵎⵙⵜⴻⵔⴷⴰⵎ, ⵎⵓⵙéⴻ ⵊ. ⴱⴰⵓⵍ ⴳⴻⵜⵜⵢ |
ⵙⵜⴰⵜⵓⵜ ⴷⴻⵙ ⴷⵔⵓⵉⵜⵙ ⴷ'ⴰⵓⵜⴻⵓⵔ ⴷⵓ ⵛⵔéⴰⵜⴻⵓⵔ | ⴷⵔⵓⵉⵜⵙ ⴷ'ⴰⵓⵜⴻⵓⵔⵙ ⵏⴻ ⴱⵓⵓⴼⴰⵏⵜ ⴱⵍⵓⵙ êⵜⵔⴻ ⴻⵏⴼⵔⴻⵉⵏⵜⵙ |
ⴷⵓⵙⵙⵉⴻⵔ ⴷⵓⵛⵓⵎⴻⵏⵜⴰⵉⵔⴻ ⵛⵓⵏⵙⴻⵔⴼé ⴱⴰⵔ | ⴼⵓⵏⴷⴰⵜⵉⵓⵏ ⵙⴰⴱⴰ, ⴰⵔⵛⵀⵉⴼⴻⵙ ⵙⵓⵉⵙⵙⴻⵙ ⴷⴻⵙ ⴰⵔⵜⵙ ⴷⴻ ⵍⴰ ⵙⵛèⵏⴻ |
ⵡⵉⵍⵍⵢⴰⵎ ⵛⵉⴽⵙⴼⵉⵔ (ⵉⵍⵓⵍ ⵖ 23 ⵉⴱⵔⵉⵍ 1564 – 23 ⵉⴱⵔⵉⵍ 1616) ⵉⴳⴰ ⵢⴰⵏ ⵓⵎⴰⵔⴰ ⴰⵏⵎⵣⴳⵓⵏ ⴷ ⵢⴰⵏ ⵓⵎⴷⵢⴰⵣ ⴷ ⵓⵙⵎⴷⴰⵢ ⴰⵏⴳⵍⵉⵣⵢ. ⵉⵜⵜⵢⴰⵡⵙⵙⴰⵏ ⴱⴰⵀⵔⴰ ⵉⵙ ⵉⴳⴰ ⴰⵎⴰⵔⴰ ⵉⵎⵇⵇⵓⵔⵏ ⵖ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ ⴷ ⵓⵎⴰⵔⴰ ⴰⴷⵔⴰⵎⴰⵢ ⴷⴰ ⵜⵏ ⵢⵓⴼⵏ ⵖ ⵓⵎⴰⴹⴰⵍ. ⵉⵜⵜⵖⵔⴰ ⴰⵙ ⵙ "ⵓⵎⴷⵢⴰⵣ ⴰⵏⴰⵎⵓⵔ ⵏ ⵉⵏⴳⵍⴰⵜⵉⵔⵔⴰ" ⴷ "ⵓⵏⴹⴹⴰⵎ ⵏ ⴰⴱⵓⵏ" (ⵏⵉⵖ ⴷ ⵖⴰⵔ "ⴰⵏⴹⴹⴰⵎ"). ⵜⴰⵡⵓⵔⵉ ⵏⵏⵙ ⵉⴼⵍⵉⵏ ⵜⴳⵔⵓ ⵓⵍⴰ ⵅⵜⵉⵍⵍⵉ ⵉⵙⴽⵔ ⴷ ⵡⵉⵢⵢⴰⴹ, ⵔⴰⴷ ⴰⴽⴽⵯ ⴳⵉⵏⵜ ⵖ ⵡⵓⵟⵟⵓⵏ ⵏⵏⵙⵏⵜ ⴽⵔⴰ ⵏ 39 ⵏ ⵓⵔⴰⵔⵏ ⵉⵏⵎⵣⴳⵓⵏⵏ, 154 ⵏ ⵙⵓⵏⵉⵜⴰⵜ, ⴽⵔⴰⴹ ⵏ ⵜⵎⴷⵢⴰⵣⵉⵏ ⵖⵣⵣⵉⴼⵏⵉⵏ ⴷ ⴽⵔⴰ ⵏ ⵉⵙⴰⴼⴼⵏ ⵏ ⵜⵎⴷⵢⴰⵣⵜ, ⵜⵉⵍⵉ ⵜⵓⵔⴷⴰ ⵖ ⵎⴰⵏⵡⴰ ⴰⴷ ⵜⵏⵜ ⵢⵓⵔⴰⵏ.
ⵓⵔⴰⵔⵏ ⵏⵏⵙ ⵉⵏⵎⵣⴳⵓⵏⵏ ⴰⵖⵓⵍⵏ ⵙ ⵜⵓⵜⵍⴰⵢⵉⵏ ⴰⴽⴽⵯ ⵎⵇⵇⵓⵔⵏⵉⵏ ⴷ ⴰⵔ ⵜⵜⵢⵓⵔⴰⵔⵏ ⵓⴳⴳⴰⵔ ⵏ ⵡⵉⵏ ⵉⵎⴰⵔⴰⵜⵏ ⵢⴰⴹⵏⵉⵏ. ⵛⵉⴽⵙⴼⵉⵔ ⵉⴳⴰ ⵙⵓⵍ ⴰⵎⴰⵔⴰ ⴰⵏⴳⵍⵉⵣⵉ ⴷⴰ ⴱⴰⵀⵔⴰ ⵉⵙⵙⵏⴼⵍⵓⵍⵏ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ, ⴷ ⵖⵡⴰⵍⵍⵉ ⴰⴽⴽⵯ ⴳⵉⵙⵏ ⵉⵍⴰⵏ ⵉⴹⵉⵚ.
ⵛⵉⴽⵙⴼⵉⵔ ⵡⵉⵍⵍⵢⴰⵎ ⵉⵍⵓⵍ ⴷ ⵖ ⵙⵜⵔⴰⵜⴼⵓⵔⴷ-ⵓⴱⵓⵏ-ⴰⴼⵓⵏ, ⵡⴰⵔⵡⵉⵛⴽⵙⵀⵉⵔⴻ ⵉⵎⵇⵇⵓⵔ ⴳⵉⵙ, ⵍⵍⵉⵖ ⵉⵍⴰ 18 ⵏ ⵓⵙⴳⴳⵯⴰⵙ, ⵉⵜⴰⵀⵍ ⴷ ⴰⵏⵏⴻ ⵀⴰⵜⵀⴰⵡⴰⵢ, ⵉⵍⵉⵏ ⵙⵉⵏ ⵉⵜⵙⵏ ⴽⵔⴰⴹ ⵏ ⵜⴰⵔⵡⴰ: ⵙⵓⵙⴰⵏⵏⴰ, ⴷ ⵉⴽⵏⵡⵏ ⵀⴰⵎⵏⴻⵜ ⴷ ⵊⵓⴷⵉⵜⵀ. ⴽⵔⴰ ⵏ ⵡⴰⴽⵓⴷ ⴳⵔ 1585 ⴷ 1592, ⵉⵙⵙⵏⵜⵉ ⵢⴰⵜ ⵜⵡⴰⴷⴰ ⵉⴼⵓⵍⴽⵉⵏ ⵖ ⵍⵓⵏⴹⵓⵏ ⵉⴳ ⵢⴰⵏ ⵓⵙⵎⴷⴰⵢ, ⴰⵎⴰⵔⴰ, ⴷ ⴱⴰⴱ ⵏ ⵢⴰⵜ ⵜⴷⵔⴰⵡⵜ ⵏ ⵓⵔⴰⵔⵏ ⵎⵉ ⵉⵙⵎ ⵍⵓⵔⴷ ⵛⵀⴰⵎⴱⴻⵔⵍⴰⵉⵏ'ⵙ ⵎⴻⵏ, ⵉⵏⴼⵍ ⴰⵙ ⵙⵓⵍ ⵉⵙⵎ ⵙ ⴽⵉⵏⴳ'ⵙ ⵎⴻⵏ ⵍⵍⵉⵖ ⵉⵖⵍⵉ ⵓⴳⵍⵍⵉⴷ ⵊⴰⵎⴻⵙ ⵡⵉⵙ ⵙⴹⵉⵙ ⵏ ⵉⵙⴽⵓⵜⵍⴰⵏⴷⴰ ⵙ ⵉⵙⵏⵉ ⵏ ⵉⵏⴳⵍⵜⴻⵔⵔⴰ. ⵍⵍⵉⵖ ⴷⴰⵔⵙ ⵜⵍⵍⴰ 49 ⵏ ⵓⵙⴳⴳⵯⴰⵙ (ⵖ 1613), ⵢⵓⵎⴰⵏ ⵉⵙ ⵉⵣⵔⵉ ⵙ ⵙⵜⵔⴰⵜⴼⵓⵔⴷ, ⵖ ⵉⵎⵎⵓⵜ ⴽⵔⴰⴹ ⵉⵙⴳⴳⵯⴰⵙⵏ ⵜⵉⵖⵔⴷⵉⵏ ⵏ ⵖⴰⵢⴰⴷ. ⵓⵔ ⴷ ⵢⴰⴳⵓⵔ ⴰⵢⵙⵉⵍⴰⴷ ⵉⵎⵉⴽⴽⴰⵜⵉⵏ ⵏ ⵉⵣⵎⵎⵉⵎⵏ ⴼ ⵜⵓⴷⵔⵜ ⵏⵏⵙ ⵉⵥⵍⵉⵏ; ⵖⴰⵢⵍⵍⵉ ⴷ ⵢⵉⵡⵉⵏ ⴰⵙⵡⵉⵏⴳⵎ ⵓⵔ ⵉⴷⵔⵓⵙⵏ ⴼ ⴽⵔⴰ ⵏ ⵜⵖⴰⵡⵙⵉⵡⵉⵏ ⵣⵓⵏ ⴷ ⴰⵙⴳⴷ ⵏⵏⵙ, ⵜⴰⵣⵣⵉⵜ ⵏⵏⵙ, ⴰⵔⵉⵙ ⵏⵏⵙ ⵏⵉⵖ ⴷ ⴰⴽⴽⵯ ⵢⴰⴽ ⵉⵙ ⵏⵉⵜ ⵉⴳⴰ ⵖⴰⵢⵍⵍⵉ ⵢⵓⵔⴰ ⵡⵉⵏⵙ ⵏⵉⵖ ⴷ ⵡⵉⵏ ⴽⵔⴰ ⵏ ⵜⵙⴳⴰ ⵢⴰⴹⵏⵉ.
ⵙⵀⴰⴽⴻⵙⴱⴻⴰⵔⴻ ⵉⵙⴽⵔ ⵜⵓⴳⴳⵜ ⵏ ⵜⵡⵓⵔⵉⵡⵉⵏ ⵏⵏⵙ ⵜⵜⵢⴰⵡⵙⵙⴰⵏⵉⵏ ⴳⵔ 1589 ⴷ 1613. ⵓⵔⴰⵔⵏ ⵏⵏⵙ ⵉⵎⵣⵡⵓⵔⴰ ⴳⴰⵏ ⵣⵡⴰⵔ ⵉⴽⵓⵎⵉⴷⵉⵢⵏ ⴷ ⵡⵉⵏ ⵓⵎⵣⵔⵓⵢ, ⵜⵜⵢⴰⵡⵎⵏⴰⴷⵏ ⵉⵙ ⴳⴰⵏ ⵓⵎⵓⴷⵏ ⴰⴽⴽⵯ ⴰⵜⵜⵓⵢⵏⵉⵏ ⵖ ⵡⴰⵏⴰⵡ ⵏⵏⵙⵏ. ⵓⴽⴰⵏ ⵉⵣⵔⵉ ⵉⵍⵎⵎⴰ ⴷ ⵉⵏⵏ ⴰⴷ ⵏⵉⵜ ⵉⵜⵜⴰⵔⴰ ⵉⵜⵔⴰⵊⵉⴷⵏ ⴰⵔ 1608, ⴰⴷ ⴳⵉⵙⵏ ⵉⵜⵜⵢⴰⵡⴱⴷⴰⵔ *ⵔⵓⵎⴻⵓ ⴷ ⵊⵓⵍⵉⴻⵜ*, *ⵀⴰⵎⵍⴻⵜ*, *ⵓⵜⵀⴻⵍⵍⵓ*, *ⴽⵉⵏⴳ ⵍⴻⴰⵔ* ⴷ *ⵎⴰⵛⴱⴻⵜⵀ*, ⴷⴰ ⴰⴽⴽⵯ ⵜⵜⵢⴰⵡⵎⵏⴰⴷⵏ ⵉⵙ ⴳⴰⵏ ⵓⵎⵓⴷⵏ ⴰⴽⴽⵯ ⵛⵡⴰⵏⵉⵏ ⵖ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ. ⵖ ⵜⴳⵉⵔⴰ ⵏ ⵜⵓⴷⵔⵜ ⵏⵏⵙ, ⵢⵓⵔⴰ ⵉⴽⵓⵎⵉⴷⵏ-ⵉⵜⵔⴰⵊⵉⴷⵏ (ⴷⴰ ⵜⵜⵢⴰⵡⵙⵙⴰⵏⵉⵏ ⵙ "ⵉⵣⵍⴰⵏ ⵏ ⵜⴰⵢⵔⵉ") ⵣⵓⵏ ⴷ *ⵜⵀⴻ ⵡⵉⵏⵜⴻⵔ'ⵙ ⵜⴰⵍⴻ* ⴷ *ⵜⵀⴻ ⵜⴻⵎⴱⴻⵙⵜ*, ⵉⵎⵢⴰⵡⴰⵙ ⵓⵍⴰ ⴷ ⵉⵎⴰⵔⴰⵏ ⴷ ⵉⵙⵎⴷⴰⵢⵏ ⵢⴰⴹⵏⵉⵏ.
ⵎⵏⵏⴰⵡ ⵡⵓⵔⴰⵔⵏ ⵏ ⵛⵉⴽⵙⴼⵉⵔ ⵜⵜⵢⴰⵡⴼⵙⴰⵔⵏ, ⵙⵖ ⴷⴰⵔ ⵜⵥⵕⵉⴳⵉⵏ ⴳⴳⵓⵜⵏⵉⵏ ⴽⵓ ⵢⴰⵜ ⴷ ⵜⵛⵡⵉ ⵏⵏⵙ. ⵉⵎⵉⵍ, ⵖ 1623, ⵊⵓⵀⵏ ⵀⴻⵎⵉⵏⴳⴻⵙ ⴷ ⵀⴻⵏⵔⵢ ⵛⵓⵏⴷⴻⵍⵍ, ⵙⵉⵏ ⴰⴳⵎⴰⵜ ⵉⵎⴷⴷⵓⴽⴽⴰⵍ ⵏ ⵙⵀⴰⴽⴻⵙⴱⴻⴰⵔⴻ, ⴼⵙⵔⵏ ⵢⴰⵏ ⵓⴹⵔⵉⵙ ⵉⴳⴳⵯⵔⴰⵏ ⵉⵜⵜⵢⴰⵡⵙⵙⴰⵏⵏ ⵙ ⴼⵉⵔⵙⵜ ⴼⵓⵍⵉⵓ (ⴰⴼⵓⵍⵢⵓ ⴰⵎⵣⵡⴰⵔⵓ), ⵢⴰⵏ ⵓⴹⵔⵉⵙ ⴷⴰ ⴷ ⵉⴼⴼⵖⵏ ⴷⴼⴼⵉⵔ ⵍⵎⵓⵜ ⵏⵏⵙ ⴷ 36 ⵏ ⵡⵓⵔⴰⵔⵏ ⵏⵏⵙⵏ ⴰⴷ ⴳⵉⵙ ⵉⵍⵍⴰⵏ. ⵜⴰⵎⵣⵡⴰⵔⵓⵜ ⵏ ⵓⴷⵍⵉⵙ ⵏⵏⵙ ⵜⴳⴰ ⵜⵜ ⵢⴰⵜ ⵜⵎⴷⵢⴰⵣⵜ ⵏ ⴱⴻⵏ ⵊⵓⵏⵙⵓⵏ ⴷⴰ ⵔⴰⴷ ⴰⵙ ⵉⴳ ⵢⴰⵏ ⵡⴰⴼⵏⴰ, ⴷⴰ ⵜ ⵢⵓⵍⵍⵖⵏ ⵙ ⵢⴰⵏ ⵡⴰⵡⴰⵍ ⴷⴰ ⵉⴳⴰⵏ ⵖⵉⵍⴰⴷ ⴰⵎⴰⵡⴰⵢ: "ⵓⵔ ⴷ ⵡⵉⵏ ⵢⴰⵏ ⵓⵣⵎⵣ ⴰⴷ ⵉⴳⴰ, ⵎⴰⵛⵛ ⵡⵉⵏ ⴰⴽⴽⵯ ⵉⵣⵎⴰⵣ".
ⵜⵓⴷⵔⵜ ⵏⵏⵙ
[edit | edit source]ⵛⵉⴽⵙⴼⵉⵔ ⵉⴳⴰ ⵢⵓⵙ ⵏ ⵊⵓⵏ ⵛⵉⴽⵙⴼⵉⵔ, ⵢⴰⵏ ⵓⵎⵖⴰⵔ ⵏ ⵜⵎⴷⵉⵏⵜ ⴷ ⵢⴰⵏ ⵓⵔⴳⴰⵣ ⵉⵎⵓⵔⵙⵏ ⵖ ⵜⵎⴳⵓⵔⵉ ⵏ ⵉⵍⵎⴹⴰⴹⵏ, ⴷ ⵡⴰⴷ ⴷ ⵢⵓⵛⴽⴰⵏ ⵙⵖ ⵙⵏⵉⵜⵜⴻⵔⴼⵉⴻⵍⴷ ⵖ ⵡⴰⵔⵡⵉⵛⴽⵙⵀⵉⵔⴻ, ⴷ ⵎⴰⵔⵢ ⴰⵔⴷⴻⵏ, ⵉⵍⵍⵉⵙ ⵏ ⵢⴰⵜ ⵜⴰⴽⴰⵜ ⵉⵎⵇⵇⵓⵔⵏ ⵉⵟⵟⴰⴼⵏ ⵉⴽⴰⵍⵉⵡⵏ, ⵉⵍⵓⵍ ⵖ ⵙⵜⵔⴰⵜⴼⵓⵔⴷ-ⵓⴱⵓⵏ-ⴰⴼⵓⵏ, ⵖ ⵉⵎⵥⴰⵍ ⴰⵙⵙ ⵏ 26 ⵉⴱⵔⵉⵍ 1564. ⴰⵙⵙ ⵏ ⵜⵍⴰⵍⵉⵜ ⵏⵏⵙ ⵓⵔ ⵉⵜⵜⵢⴰⵡⵙⵙⴰⵏ, ⵎⴰⵛⵛ ⵏⵏⴰⵏ ⵉⵙ ⴷ ⵉⵍⵓⵍ ⵖ ⵡⴰⵙⵙ ⵏ 23 ⵉⴱⵔⵉⵍ ⴰⵙⵙ ⵏ ⵓⴳⵔⵔⴰⵎ ⵊⵓⵔⵊ. ⴰⵙⵙ ⴰⵏⵏ ⵉⵥⴹⴰⵕⵏ ⴰⴷ ⴷ ⵢⵓⵔⵔⵉ ⵙ ⵡⵉⵍⵍⵉⴰⵎ ⵓⵍⴷⵢⵙ ⴷ ⴳⴻⵓⵔⴳⴻ ⵙⵜⴻⴻⴼⴻⵏⵙ, ⵉⵍⴷⵉ ⴷ ⵜⴰⵖⴹⴼⵜ ⵏ ⵉⵎⴰⵔⴰⵜⵏ ⵏ ⵜⵓⴷⵔⵜ ⵏⵏⵙ ⴰⵛⴽⵓ ⵛⵉⴽⵙⴼⵉⵔ ⵉⵎⵎⵓⵜ ⵖ ⵡⴰⵙⵙ ⴰⴷ ⵏⵉⵜ ⵖ ⵓⵙⴳⴳⵯⴰⵙ ⵏ 1616.
ⵉⴳⴰ ⵡⵉⵙ ⴽⵔⴰⴹ ⵖ ⵜⴰⵎ ⵏ ⵜⴰⵔⵡⴰ, ⴷ ⵡⴰⵔⵔⴰⵡ ⴰⵎⵏⵣⵓ ⴷⴰ ⵉⵙⵓⵍⵏ.
ⵎⵇⵇⴰⵔ ⵓⵔ ⵍⵍⵉⵏ ⴽⵔⴰ ⵏ ⵉⵣⵎⵎⵉⵎⵏ ⵏ ⵡⴰⴽⵓⴷ ⴰⵏⵏ ⵖ ⵉⴷⴷⵔ, ⵜⴰⴳⴳⴰⵜ ⵏ ⵉⵎⴰⵔⴰⵜⵏ ⵏ ⵜⵓⴷⵔⵜ ⵏⵏⵙ ⵍⵍⴰⵏ ⵙ ⵓⴳⵯⵔⵉ ⵉⵙ ⴷ ⵛⵉⴽⵙⴼⵉⵔ ⵉⵖⵔⴰ ⵖ ⵜⵉⵏⵎⵍ ⵜⴰⵎⴰⵢⵏⵓⵜ ⵏ ⵓⴳⵍⵍⵉⴷ ⵖ ⵙⵜⵔⴰⵜⴼⵓⵔⴷ ⵢⴰⵜ ⵜⵉⵏⵎⵍ ⵉⴳⴰⵏ ⴼⴰⴱⵓⵔ ⴷ ⵅⵜⴰⵍⵍⵉ ⵉⵜⵜⵢⴰⵡⵙⴽⴰⵔⵏ ⵖ 1553, ⵜⵎⴳⴰⵍⴰ ⵙ ⵓⵣⴳⵏ ⵏ ⵓⵎⵉⵍ (400 ⵎ) ⴷ ⵜⴳⵎⵎⵉ ⵏⵏⵙ.
ⵖ ⵜⵡⴰⴷⴰ ⵏⵏⵙ ⵖ ⵜⵡⵓⵔⵉ, ⵛⵉⴽⵙⴼⵉⵔ ⵉⴱⴹⴰ ⴰⴽⵓⴷ ⵏⵏⵙ ⴳⵔ ⵍⵓⵏⴹⵓⵏ ⴷ ⵙⵜⵔⴰⵜⴼⵓⵔⴷ. ⵖ 1596, ⴰⵙⴳⴳⵯⴰⵙ ⵉⵣⵡⵓⵔⵏ ⵉⵖ ⵉⵙⵖⴰ ⵏⴻⵡ ⴱⵍⴰⵛⴻ ⴰⴷ ⵜⴳ ⵜⵉⴳⵎⵎⵉ ⵏ ⵜⵡⵊⴰ ⵏⵏⵙ ⵖ ⵙⵜⵔⴰⵜⴼⵓⵔⴷ, ⵛⵉⴽⵙⴼⵉⵔ ⵉⴽⴽⴰ ⵜⵜ ⵉⵏⵏ ⵉⵣⴷⵖ ⵖ ⵜⴳⵔⴰⵔⵜ ⵏ ⵜⴳⵯⵔⵔⴰⵎⵜ ⵀⴻⵍⴻⵏ'ⵙ, ⴱⵉⵙⵀⵓⴱⵙⴳⴰⵜⴻ, ⵖ ⵓⴳⴰⴼⴰ ⵏ ⵡⴰⵙⵉⴼ ⵏ ⵟⴰⵎⵙ. ⵉⵣⴳⵔ ⴰⵙⵉⴼ ⵙ ⵙⴰⵡⵜⵀⵡⴰⵔⴽ ⵖ 1599, ⴰⵙⴳⴳⵯⴰⵙ ⵏⵉⵜ ⵖ ⵜⵙⴽⵔ ⵜⴷⵔⴰⵡⵜ ⵏⵏⵙ ⴰⵎⵣⴳⵓⵏ ⵏ ⴳⵍⵓⴱⴻ. ⴰⵔ 1604, ⵉⵎⵎⴰⵜⵜⵉ ⴷⴰⵖ ⵙ ⵓⴳⴰⴼⴰ ⵏ ⵡⴰⵙⵉⴼ, ⵙ ⵢⴰⵏ ⵓⴷⵖⴰⵔ ⵖ ⵓⴳⴰⴼⴰ ⵏ ⵓⴽⴰⵏⵉⵙ ⵉⵎⵇⵇⵓⵔⵏ ⵏ ⵙⵜ ⴱⴰⵓⵍ ⴷⴰ ⵖ ⵍⵍⴰⵏⵜ ⴳⵉⴳⴰⵏ ⵜⴳⵯⵎⵎⴰ ⴼⵓⵍⴽⵉⵏⵉⵏ. ⵖⵉⵏⵏ, ⵉⴽⵔⵓ ⵜⵉⴳⵏⴰⵔⵉⵏ ⵙⵖ ⴷⴰⵔ ⵢⴰⵏ ⵓⵀⵓⴳⵓⵏⵓⵜ ⴰⴼⵔⴰⵏⵙⵉⵙ ⵎⵉ ⵉⵙⵎⵏ ⵛⵀⵔⵉⵙⵜⵓⴱⵀⴻⵔ ⵎⵓⵓⵏⵜⵊⵓⵢ, ⴰⵎⵙⴽⴰⵔ ⵏ ⵉⵛⴰⴽⵓⴽⵏ ⵏ ⵜⵎⵖⴰⵔⵉⵏ ⴷ ⵉⴷ ⵜⴰⵔⴰⵣⴰⵍ.
ⵛⵉⴽⵙⴼⵉⵔ ⵉⵎⵎⵓⵜ ⴰⵙⵙ ⵏ 23 ⵉⴱⵔⵉⵍ 1616, ⵉⵍⴽⵎ 52 ⵏ ⵓⵙⴳⴳⵯⴰⵙ. ⵉⵎⵎⵓⵜ ⵢⴰⵏ ⵡⴰⵢⵢⵓⵔ ⵀⵍⵍⵉ ⵓⵔ ⵜⴰ ⵉⵕⵛⵎ ⴼ ⵜⴰⵢⵙⵉ ⵏⵏⵙ, ⵢⴰⵏ ⵡⴰⵔⵔⴰ ⵖ ⵉⵙⵙⵏⵜⵉ ⴰⴷ ⵉⴳⵍⵎ ⵉⵅⴼ ⵏⵏⵙ ⵉⵙ ⴷⴰⵔⵙ ⵜⵍⵍⴰ ⵢⴰⵜ "ⵜⴰⴷⵓⵙⵉ ⵉⵎⵓⵛⵛⴷⵏ". ⵓⵔ ⵉⵍⵍⵉ ⴽⵔⴰ ⵏ ⵓⵖⴱⴰⵍⵓ ⵙⵖ ⵡⴰⴽⵓⴷ ⴰⵏⵏ ⵉⵙⵙⴼⵔⵓⵏ ⵎⴰⵏⵎⴽ ⵏⵉⵖ ⵎⴰⵙ ⵉⵎⵎⵓⵜ. ⴰⵣⴳⵏ ⵏ ⵜⴰⵙⵓⵜ ⵙⵓⵍ, ⵊⵓⵀⵏ ⵡⴰⵔⴷ, ⴰⵏⴼⵍⵓⵙ ⵏ ⵙⵜⵔⴰⵜⴼⵓⵔⴷ, ⵢⵓⵔⴰ ⵖ ⵓⴷⵍⵉⵙ ⵏⵏⵙ ⵉⵙ: "ⵙⵀⴰⴽⴻⵙⴱⴻⴰⵔⴻ, ⴷⵔⴰⵢⵜⵓⵏ, ⴷ ⴱⴻⵏ ⵊⵓⵏⵙⵓⵏ ⵙⴽⵔⵏ ⵢⴰⵏ ⵓⵎⵏⴰⴳⴳⴰⵔ ⴰⴼⵔⴰⵡⴰⵙ, ⵢⵓⵎⴰⵏ ⵉⵙ ⵏⵉⵜ ⵙⵡⴰⵏ ⴰⵏⵥⵉⵥ, ⴰⵛⴽⵓ ⵛⵉⴽⵙⴼⵉⵔ ⵉⵎⵎⵓⵜ ⵙ ⵜⴰⵡⵍⴰ ⴷⴰ ⴷ ⵢⵓⵙⵉ ⵙⵖ ⴷⵖⵉⵏ", ⴰⵢⴰⵏⵏ ⵓⵔ ⵉⴳⵉ ⴽⵔⴰ ⵏ ⵓⵙⵉⵏⴰⵔⵢⵓ ⴰⴳⵛⵕⴰⵕⴰⴹ ⴰⵛⴽⵓ ⵙⵀⴰⴽⴻⵙⴱⴻⴰⵔⴻ ⵉⵙⵙⵏ ⵊⵓⵏⵙⵓⵏ ⴷ ⴷⵔⴰⵢⵜⵓⵏ.
ⵜⴰⵎⴷⵢⴰⵣⵜ ⵏⵏⵙ
[edit | edit source]ⵖ 1593 ⴷ 1594, ⵍⵍⵉⵖ ⵇⵇⵏⵏ ⵉⵎⵣⴳⵓⵏⵏ ⴰⵛⴽⵓ ⵉⵍⵍⴰ ⵡⴰⵟⵟⴰⵏ ⵏ ⵜⵙⵔⴽⴰ, ⵙⵀⴰⴽⴻⵙⴱⴻⴰⵔⴻ ⵉⴼⵙⵔ ⵙⵏⴰⵜ ⵜⵎⴷⵢⴰⵣⵉⵏ ⵖⵣⵣⵉⴼⵏⵉⵏ ⵙ ⵢⴰⵏ ⵓⵙⵙⵏⵜⵍ ⵏ ⵜⴰⵢⵔⵉ: *ⴼⴻⵏⵓⵙ ⴷ ⴰⴷⵓⵏⵉⵙ* ⴷ *ⵓⴷⵖⵖⵔ ⵏ ⵍⵓⵛⵔⴻⵜⵉⴰ*, ⵍⵍⵉ ⵢⵓⵔⴰ ⵉ ⵡⵔⵉⵓⵜⵀⴻⵙⵍⴻⵢ ⵀⴻⵏⵔⵢ, ⴰⴽⵓⵏⵜ ⵏ ⵙⵓⵓⵜⵀⴰⵎⴱⵜⵓⵏ. ⵖ *ⴼⴻⵏⵓⵙ ⴷ ⴰⴷⵓⵏⵉⵙ*, ⵢⴰⵏ ⴰⴷⵓⵏⵉⵙ ⵉⵎⵥⵥⵉⵢⵏ ⵓⵔ ⵉⵔⴹⵉⵍ ⵉ ⵓⵙⵓⵔⵔⴼ ⵏ ⴼⴻⵏⵓⵙ, ⴰⵢⵍⵍⵉ ⵖ *ⴰⵙⵓⵔⵔⴼ ⵏ ⵍⵓⵛⵔⴻⵜⵉⴰ*, ⵍⵓⵛⵔⴻⵜⵉⴰ ⵜⴰⴼⵓⵍⴽⵉⵜ ⵜⴻⵜⵜⵓⵙⵓⵔⵔⴼ ⵙ ⵜⴰⵔⵇⵓⵉⵏ ⴱⵓ ⵓⵖⵊⴰⵊ.
ⵢⴰⵜ ⵜⵎⴷⵢⴰⵣⵜ ⵉⵖⵣⵣⵉⴼⵏ ⵜⴳ ⵜⵉⵙ ⴽⵕⴰⴹⵜ, ⴰⵙⵎⴰⵎⵎⵉ ⵏ ⴱⵓ ⵜⴰⵢⵔⵉ, ⵖ ⴰⵔ ⵜⴰⵍⵍⴰ ⵢⴰⵜ ⵜⴼⵔⵓⵅⵜ ⵉⵎⵥⵥⵉⵢⵏ ⴼ ⵍⵍⵉⵖ ⵜⵜ ⵢⵉⵡⵉ ⴱⴰⴹⴰⴹ ⵏ ⵢⴰⵏ ⵓⵔⴳⴰⵣ ⴰⵎⵏⵣⴰⵖ , ⵜⴻⵜⵜⵢⴰⵡⵖⵏⴰⴱ ⵜⵎⴷⵢⴰⵣⵜ ⴰⴷ ⵖ 1609. ⵜⵓⴳⴳⵜ ⵏ ⵉⵎⵙⵉⴳⴳⵉⵍⵏ ⵏ ⵖⴰⵙⵙⴰⴷ ⵜⵇⴱⵍ ⵉⵙ ⴷ *ⴰⵙⵎⴰⵎⵎⵉ ⵏ ⴱⵓ ⵜⴰⵢⵔⵉ* ⴰⴷ ⵏⵉⵜ ⵉⴳⴰⵏ ⵜⴰⵖⴰⵔⴰⵙⵜ ⵏ ⵙⵀⴰⴽⴻⵙⴱⴻⴰⵔⴻ ⵙ ⵜⵉⴷⵜ, ⵜⵉⵍⵉ ⴷⴰⵖ ⵜⵉⵏ ⵓⴼⵉⵏⵉⵇ ⴷ ⵎⵓ ⵜⵜⴳⵔⴰ/ⵜⴰⴼⴽⵔⵓⵏⵜ (1601) ⵜⴳⴰ ⴰⵙⵎⴰⵎⵎⵉ ⴼ ⵍⵎⵓⵜ ⵏ ⵢⴰⵏ ⵓⴼⵏⵉⵇ ⵓⵎⵉⵢⴰⵏ ⴷ ⵜⴰⵢⵔⵉ ⵏⵏⵙ, ⵜⴰⴼⴽⵔⵓⵏⵜ ⵉⵏⴼⵍⵓⵙⵏ.
ⵖ 1599, ⵢⴰⵜ ⵜⴰⵍⵖⴰ ⵉⵣⵡⵓⵔⵏ ⵏ ⵙⵏⴰⵜ ⵙⵓⵏⵉⵜⴰⵜ, 138 ⴷ 144, ⵜⵏⴼⴰⵍⴰⵍ ⴷ ⵖ *ⵓⵎⵥⴰⵕ ⵉⵔⵔⴰⵎⵏ* (ⵜⵀⴻ ⴱⴰⵜⵉⵓⵏⴰⵜⴻ ⴱⵉⵍⴳⵔⵉⵎ), ⵜⴻⵜⵜⵢⴰⵔⴰ ⴷⴷⵓ ⵉⵙⵎ ⵏ ⵛⵉⴽⵙⴼⵉⵔ, ⵎⴰⵛⵛ ⴱⵍⴰ ⵉⵎⵎⵓⵔⵡⴰ.