Makhaya Ntini

Makhaya Ntini
Ntini op Edgbaston, 31 Julie 2008
Volle naam	Makhaya Ntini
Gebore	6 Julie 1977 (1977-07-06) King William's Town, Suid-Afrika
Bynaam(e)	The Mdingi Express
Lengte	1.75 m
Kolfstyl	Regshandig ortodoks
Boulstyl	Regterarm vinnig
Rol	Bouler
Internasionale geskiedenis
Nasionale span	Suid-Afrika
Toetsdebuut	19 Maart 1998 v Sri Lanka
Laaste Toets	26 Desember 2009 v Engeland
EDI debuut	16 Jan 1998 v Nieu-Seeland
Laaste EDI	17 April 2009 v Australië
EDI hempno.	16
T20I debuut	11 Sep 2007 v Wesindies
Laaste T20I	9 Januarie 2011 v Indië
Eersterangse spaninligting
Jaar(e)	Span
1995–2003	Grens
2004–2012	Krygers (Warriors)
2005	Warwickshire graafskap
2008–2010	Chennai Super Kings
2010	Kent graafskap
Loopbaanstatistiek
Kompetisie	Toets	EDI	1e rang	A-lys
Wedstryde	101	173	190	275
Lopies aangeteken	699	199	1284	328
Kolfgemiddeld	9.84	8.65	9.44	7.28
100s/50s	0/0	0/0	0/0	0/0
Hoogste telling	32*	42*	34*	42*
Aflewerings geboul	20,834	8,687	35,039	13,053
Paaltjies	390	266	651	388
Boulgemiddeld	49.77	24.51	28.98	25.28
5 paaltjies in 'n kolfbeurt	18	4	27	9
10 paaltjies in 'n wedstryd	4	n/a	5	6
Beste boulontleding	7/37	6/22	7/37	6/22
Vangskote/Stonkings	25/–	30/-	40/-	50/-
Bron: CricketArchive, 30 November 2013

Makhaya Ntini tydens 'n oefening op die Sydney Cricket Ground in Januarie 2009.

Makhaya Ntini (6 Julie 1977 naby King William's Town, Oos-kaap) is 'n voormalige Suid-Afrikaanse krieketspeler wat die eerste etnies swart speler vir die Suid-Afrikaanse span was.

Eerste jare

Twee jaar nadat sy talent in die Grens ontdek is, word hy gekies om Engeland toe te toer met die Suid-Afrikaanse o.19-span, en speel in al vyf van die internasionale wedstryde. Engeland oorheers beide eendagwedstryde op die toer met die Suid-Afrikaners wat net een paaltjie kon neem, deur Pierre Joubert. In die toetsreeks, wat Engeland met 2-0 wen, neem Ntini altesaam nege paaltjies, die tweede meeste deur 'n Suid-Afrikaner. [ 4 ] Sy boulwerk was duur en kom teen 'n koers van 4.53 lopies per boulbeurt, meer as enige ander Suid-Afrikaner met die uitsondering van Mark Boucher, wat eintlik 'n paaltjiewagter was. [ 4 ] [ 5 ] Na twee wedstryde vir die Grens teen die toerende Keniane, [ 6 ] het Ntini sy eersterangse debuut in November 1995 teen 'n Engelse XI gemaak. [ 7 ] Hy het twee paaltjies ingeoes in Engeland se enigste beurt, waartydens die Grens deeglik verslaan is. [ 8 ]

In sy debuutseisoen neem Ntini 17 paaltjies teen 'n gemiddeld van 37.05 in eerste-klas wedstryde. [ 9 ] Sy beste vertoning in 'n beurt was teen die Vrystaat, toe hy drie paaltjies vir 49 lopies neem tydens sy 17 boulbeurte. [ 10 ] Hy toer weer saam met die nasionale onder-19s in Maart en April 1996 na Indië. [ 12 ] Ntini bewys sy talent tydens die derde wedstryd met 6/53 in die eerste beurt en 3/48 in die tweede beurt. [ 13 ]

Internasionale loopbaan

As snelbouler was hy geneig om wyd van die paaltjies te boul met lewendige aflewerings met goeie vaart. Hy oorleef politieke omstredenheid vroeg in sy loopbaan, en word slegs die derde Suid-Afrikaner om 300 toetspaaltjies te neem naas Shaun Pollock en Allan Donald, en die tweede plek op die IKR-toetsboulranglys in te neem. Hy het later tot die 2010-seisoen plaaslike krieket vir die Chennai Super Kings in die Indiese Premierliga gespeel.

Ntini keer terug na die Suid-Afrikaanse span vir 'n Sharjah toernooi in 2000. Die verbetering was duidelik sigbaar toe hy met groter beheer geboul het. In 2003 word hy die eerste Suid-Afrikaner om 10 paaltjies op Lord's Cricket Ground te neem. Dit was waarskynlik Ntini se beste vertoning, behalwe toe hy 13 paaltjies vir 132 lopies teen die Wes-Indiese Eilande in Port-of-Spain geneem het op 12 April 2005. Dit bly die meeste paaltjies deur 'n Suid-Afrikaanse krieketspeler in 'n toets geneem. Op 3 Maart 2006 het Ntini ook die beste boulsyfers deur 'n Suid-Afrikaner behaal in 'n eendagwedstryd, deur Australië met 6 paaltjies vir 22 lopies te vermorsel.

Rekords

Ntini het homself as Suid-Afrika se beste snelbouler en een van die voorste snelboulers in die wêreld gevestig. In Februarie 2009 beklee hy die vyfde posisie as wêreldtoetsbouler na Muttiah Muralitharan, Dale Steyn, Stuart Clark en Mitchell Johnson, maar daal ook tot 25ste posisie as eendaagse bouler, volgens die IKR se ranglys. [ 15 ]

Op 20 Januarie 2007 het Ntini Mohammed Sami verbygesteek om sy 300ste paaltjie in sy 74ste toets te neem. Op 1 Augustus 2008 het hy Engeland se aanvangskolwer Alastair Cook uitgehaal om sy 350ste toetspaaltjie in sy 90ste toets te eis.

Op 17 Desember 2009 speel hy in sy 100ste toets, steeds die enigste swart Suid-Afrikaanse krieketspeler wat die merk kon bereik. Maar nadat hy reeds sy plek in die eendaagse span verloor het, is hy uit die toetsspan gelaat na swak vertonings teen Engeland.

Ntini het op 9 Januarie 2011 uit alle vorme van internasionale krieket getree, na 'n T20-wedstryd teen Indië in Durban. [ 16 ] [ 17 ]