Winona Ryder
Winona Ryder | |
Ryder in 2009.
| |
Geboortenaam | Winona Laura Horowitz |
---|---|
Geboorte | 29 Oktober 1971 Winona, Minnesota, Verenigde State |
Nasionaliteit | Amerikaans |
Ouers | Michael D. Horowitz |
Beroep(e) | Akteur en vervaardiger |
Aktiewe jare | 1985-tans |
Winona Ryder (gebore as Winona Laura Horowitz; 29 Oktober 1971) is ’n Amerikaanse aktrise. Sy is een van die mees winsgewende en ikoniese aktrises in Hollywood.[1][2][3]
Loopbaan
[wysig | wysig bron]Sy het haar rolprentdebuut in 1986 in Lucas gemaak en in 1988 algemene lof en erkenning gekry vir die rol van Lydia Deetz, ’n goth-tiener in Beetlejuice. Ná verskeie ander rolle in flieks en op televisie, het Ryder in die kultusfliek Heathers (1988) gespeel. Later was sy in Mermaids (1990), waarvoor sy ’n Golden Globe-benoeming gekry het, Edward Scissorhands (1990) en Bram Stoker's Dracula (1992).
In 1993 het sy ’n Golden Globe vir beste vroulike byspeler gewen en ’n Oscar-benoeming gekry vir haar spel in The Age of Innocence, en in 1994 ’n Oscar-benoeming vir beste aktrise vir Little Women. Sy was ook te sien in Reality Bites (1994), Alien: Resurrection (1997), Celebrity (1998) en Girl, Interrupted (1999), waarvan sy ook die uitvoerende vervaardiger was. In 2000 het sy ’n ster op die Hollywood Walk of Fame gekry.[4]
In 2002 was sy in die lokettreffer Mr. Deeds saam met Adam Sandler en in 2010 het sy in Star Trek gespeel. In 2010 is sy benoem vir twee Screen Actors Guild Awards: vir When Love Is Not Enough: The Lois Wilson Story en Black Swan.[5]
Persoonlike lewe
[wysig | wysig bron]Ryder het baie aandag in die media getrek met haar persoonlike lewe, onder meer haar verhouding met Johnny Depp in die vroeë 1990's en haar inhegtenisneming in 2001 vir winkeldiefstal. Sy was ook openlik oor haar stryd teen angs en depressie.
Verwysings
[wysig | wysig bron]- ↑ "Winona Ryder". Box Office Mojo (in Engels). Geargiveer vanaf die oorspronklike op 24 Februarie 2019. Besoek op 5 Julie 2015.
- ↑ "Winona Forever: The 90s style icon's best fashion moments". Vogue (in Engels). 29 Oktober 2014. Geargiveer vanaf die oorspronklike op 26 Oktober 2016. Besoek op 5 Julie 2015.
- ↑ "Wino Forever". Paper Mag (in Engels). Geargiveer vanaf die oorspronklike op 25 Oktober 2015. Besoek op 5 Julie 2015.
- ↑ Kim, Ellen A. (6 Oktober 2000). "Winona Ryder Gets Her Own Star" (in Engels). Hollywood.com. Geargiveer vanaf die oorspronklike op 4 Oktober 2012.
- ↑ "The 17th Annual Screen Actors Guild Awards" (in Engels). Screen Actors Guild. Geargiveer vanaf die oorspronklike op 1 April 2020. Besoek op 9 April 2011.
Eksterne skakels
[wysig | wysig bron]- Winona Ryder in die Internet-rolprentdatabasis
- Winona Ryder in die TCM-rolprentdatabasis
- Winona Ryder Geargiveer 12 Augustus 2019 op Wayback Machine by TV.com
Wikimedia Commons het meer media in die kategorie Winona Ryder.
Hierdie artikel is vertaal uit die Engelse Wikipedia