Articlo personal
L' articlo presonal ye un articlo que acompaña a antroponimos en bellas luengas.
En castellán se considera que ye un bulgarismo, pero ye prou estendito en muitas zonas y en o castellán rechinal de zonas catalanoparlants, en espezial con antroponimos femenins, (La María, La Ramona, ezetra).
En catalán ye En e Na sin d'embargo l'articlo presonal ye una carauteristica chenuína d'a luenga (pero en retacule), e no deriba d'a mesma radiz latina que l'articlo normal, remontando-se a Dominus, Domini, Domina, ezetra, estando un equibalent a l'aragonés cheneral Don, Doña.
Se troba a sobent en a toponimia d'o Matarraña e Tierra Alta:
- Plà d'En Bot (En Bal de Robres).
- Mas d'En Cases (Entre Mazalión, Bal d'Algorfa e Bal Chunquera).
- Barranc de Na Graus (En Bezeit).
- Roques d'En Benet (En Horta de Sant Joan).
- Font de la'Nsonyera < Font de Na Sunyera (En Peñarroya de Tastabins).
En l'aragonés meyebal d'as Redoladas churras e talment d'o Baxo Aragón (D'alcuerdo con una referenzia probenient d'Ariño), se fazió serbir sin d'embargo l'articlo presonal catalán En, Na e ye documentato en Aragón en os sieglos XI e XII como elementos romanzes en meyo d'os testos latíns.