الياس بقطر
الصفحه دى ممكن تحتاج تتويك علشان تبقا حسب معايير ويكيپيديا كمان يمكن الصفحه مافيهاش لينكات لصفحات تانيه, حاول تضيف فيها لينكات لصفحات تانيه متعلقه بيها او تحسين تنسيق الصفحه.
الياس بقطر (1784 – 1821) صاحب (القاموس العربى – الفرنسى) المشهور
حياته
[تعديل]اتولد إلياس بقطر فى أسيوط فى 12 ابريل سنة 1784 وربى تربية حسنة لحد صار من نوابغ القبط فى ذلك الحين. ويقال إنه ابن أخ الجنرال / يعقوب بقطر " . اللى كان من مشاهير الأقباط فى القرن التمنتاشر، و كان أول قبطى ألَّف جيش قبطى بقيادتـه،
لما قدم الفرنسيون مصر استخدموا الياس مترجم فى جيشهم ولما رحلوا من الديار رحل معهم. وقد ساعد ده الشاب العلما الفرنسيين فى وضع المصنف العظيم المسمى (وصف مصر) اللى وضعت أصوله البعثة العلمية اللى رافقت جيش نابليون. ومن دلائل عرفانهم بقدره أنهم عينوه مترجم فى إدارة المحفوظات بوزارة الحربية بعدين مدرس للغة العربية العامية بمدرسة اللغات الشرقية بباريس و لسه الفرنسيين يذكرون الرجل بكل الاحترام. و كان ممن خرجوا مع الفرنسيين من الجنود، و بعد هجرته لفرنسا نال مركز علم سامى فى فرنسا، حيث وضع القاموس المشار إليه.
وقد أعد القاموس بناء على اقتراح علما التاريخ والأدب بالمجمع العلمى وقدمه لنابليون سنة 1806م، وظل منصرف لتمام جمعه لحد سنة 1814م بعدين نقحه 3 مرات فى أعوام 1815 – 1817 و 1818م، ولكنه لم يطبع إلا بعد موته.
ولعل إلياس بقطر هو أول من وضع قاموس عربى فرنسي. و ألف كمان نبذة مختصرة باللغة العربية فى طريقة التعليم، وكتاب الحروف العربية مفردة ومتحدة ومختصر فى تصريف الأفعال و أجرومية عربية. و بعد ما قضى حياته فى التأليف وخدمة العلم توفى فى 26 سبتمبر سنة 1821 وعمره لا يزيد على 37 سنه .