আবেল বঁটা

	এবেল বঁটা
	চিত্ৰ:Abelprisen.jpg
বঁটাৰ তথ্য
শ্ৰেণী	গণিত
বৰ্ণনা	গণিত জগতলৈ আগবঢ়োৱা অনবদ্য বৰঙণিৰ বাবে এই বঁটা প্ৰদান কৰা হয়
প্ৰতিষ্ঠা	২০০২
প্ৰথমবাৰ প্ৰদান	২০০৩
অন্তিমবাৰ প্ৰদান	২০১১
প্ৰদানকৰ্তা	নৰৱেজিয়ান অকাদেমি আৱ ছায়েঞ্চ এণ্ড লেটাছ

গণিতজ্ঞ নীলছ হেনৰিক এবেলৰ সোঁৱৰণীত নৰৱেজিয়ান অকাদেমি অৱ ছায়েঞ্চ এণ্ড লেটাৰ্ছ NASL -এ ২০০৩ চনৰ পৰা প্ৰতিবছৰে এবেল বঁটা (Abel Prize) নামৰ এক বঁটা গণিতৰ জগতখনলৈ অসামান্য বৰঙণি আগবঢ়োৱা এক বা ততোধিক গণিতজ্ঞক প্ৰদান কৰি আহিছে।^[1]^[2]^[3]^[4]^[5]^[6]^[7]

বুৰঞ্জী

২০০২ চনৰ পহিলা জানুৱাৰীত এবেলৰ সোঁৱৰণত 'নীলছ হেনৰিক এবেল পুঁজি’ প্ৰতিষ্ঠা কৰা হয়। এই পুঁজিৰ পৰাই প্ৰতিবছৰে নৰৱেজিয়ান অকাদেমি অৱ ছায়েঞ্চ এণ্ড লেটাছ-এ এবেল বঁটা প্ৰদান কৰে ।বৰ্তমান সময়ত এই বঁটাৰ মূল্য ৬ নিযুত নৰৱেইজিয়ান ক্ৰনাৰ, প্ৰায় ৭,৫০,০০০ ইউৰো।^[1] ^[8]

বঁটা বিজয়ী সকল

বছৰ	বঁটা বিজয়ী সকল	প্ৰতিষ্ঠান	ৰাষ্ট্ৰ	পৰিচয়
২০০৩	জঁ-পিয়েৰ চেৰ	কলেজ দ্যে ফ্ৰেন্স		১৯৫৪ চনত সাতাইশ বছৰ বয়সত ফিল্ডছ পদক লাভ কৰাৰ লগতে আন বহুতো পুৰস্কাৰ লাভ কৰিছে। তেখেতেই হ’ল আটাইতকৈ কম বয়সত ফিল্ডছ মেডেল লাভ কৰা ব্যক্তি।
২০০৪	মাইকেল ফ্ৰান্সিছ আটিয়া আৰু ইচাড’ৰ চিংগাৰ	এডিনবাৰ্গ বিশ্ববিদ্যালয় মাছাছুটেছ ইণ্ষ্টিটিউট অৱ টেকনলজি		দুয়োগৰাকীয়েই তেওঁলোকৰ সূচক তত্বৰ বাবে বিখ্যাত।
২০০৫	পিটাৰ লেক্স	Courant Institute, NYU	/	আংশিক অৱকলনীয় সমীকৰণৰ প্ৰায়োগিক দিশৰ অধ্যয়ন।
২০০৬	লেনাৰ্ট কাৰ্লচন	KTH		কেইবাবছৰো আন্তঃৰাষ্ট্ৰীয় গাণিতিক সংঘৰ প্ৰছিডেণ্ট হিচাপে কাৰ্যনিৰ্বাহ কৰে।
২০০৭	শ্ৰীনিবাস বৰধন	Courant Institute, NYU	/	তামিলনাডুত জন্ম, বৰ্তমান আমেৰিকাৰ বাসিন্দা । প্ৰেচিডেন্সি কলেজ, মাদ্ৰাজৰ পৰা স্নাতক ডিগ্ৰী আৰু ভাৰতীয় পৰিসংখ্যা বিজ্ঞান প্ৰতিষ্ঠানৰ পৰা ডক্টৰেট ডিগ্ৰী। ৰয়েল চচাইটিৰ সদস্য। মাৰ্কিন যুক্তৰাষ্ট্ৰ চৰকাৰ-এ বিজ্ঞানী তথা উদ্ভাৱকসকললৈ আগবঢ়োৱা সৰ্বোচ্চ সন্মান (National Medal of Science) তেখেতে লাভ কৰিছে।
২০০৮	জন গ্ৰিগছ থমছন জেকাছ টিটছ	ফ্লৰিডা বিশ্ববিদ্যালয় কলেজ দ্যে ফ্ৰেন্স	/	জন থমছনে ১৯৭০ চনত ফিল্ডছ মেডেল লাভ কৰে, তেখেত ৰয়েল চচাইটিৰ সদস্য।
২০০৯	মিখায়েল গ্ৰমভ	IHÉS Courant Institute, NYU	/	ৰয়েল চচাইটিৰো সদস্য।
২০১০	জন টৰেঞ্চ টেট’	UT Austin		গণিত জগতত তেওঁক সংখ্যাতত্ত্বৰ গেলিলিঅ’ হিছাপে খ্যাত।
১০১১	জন মিল্‌নৰ	Stony Brook University		১৯৬২ চনত ৩১ বছৰ বয়সত ফিল্ড্‌ছ মেডেল লাভ কৰিছিল৷