Alvernés
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Auvernhat | |||||||||||
---|---|---|---|---|---|---|---|---|---|---|---|
Faláu en | |||||||||||
Faláu en | Francia | ||||||||||
Númberu de falantes | |||||||||||
| |||||||||||
Datos | |||||||||||
Familia |
occitano septentrional (es) | ||||||||||
Estáu de vulnerabilidá | 4 peligru severu | ||||||||||
Sistema d'escritura | alfabetu llatín | ||||||||||
Códigos | |||||||||||
ISO 639-3 | auv | ||||||||||
L'alvernés (auvernhat o alvernhat) ye un dialeutu occitanu que se fala nel centru de Francia, nun territoriu que nun coincide dafechu col de l'actual rexón d'Auvernia más partes del departamentu de Lozère y de l'Ardèche. Si la frontera coles llingües d'oil, al norte, y el francoprovenzal, al Este, fueron nidiamente definíes, les de los otros dialeutos o variantes del diasistema ocitanu varia según los autores.
Espaciu xeográficu
[editar | editar la fonte]Por departamentos, la distribución del alvernés ye la que vien darréu:
- Tol departamentu del Puy-de-Dôme.
- Tol departamentu del Cantal (sacante la parte d'Aurillac de fala llinguadociana)
- El oeste del departamentu d'Altu Loira.
- O norte del departamentu de Lozère.
- O noroeste del departamentu d'Ardèche.
Carauterístiques
[editar | editar la fonte]- Palatalización de los grupos llatinos ca y ga : chanta, vacho, jial , frente a los equivalentes provenzales canta, vaco, gau, ("cantar", "vaca", "gallu", "papu").
- Perda de les consonantes finales, incluyendo la -s del plural: Lis omes /lizɔmi/ ("los homes").
- Pronunciación /b/ de la letra b.
- Vocalización de la -l final, como en gascón y provenzal: l'ostau, la sau frente al llinguadocianu l'ostal, la sal ("la casa", "el sal")
Ente les carauterístiques propies del alvernés destaca la palatalización de delles consonantes cuando van siguíes de /i/ o /y/: libre, tu /ljibrə/, /tjy/ ("llibru", "tu")
Sistemes ortográficos
[editar | editar la fonte]Dellos escritores de finales del sieglu XIX como Regis Michalias adautaron al alvernés les normes ortográfiques del Felibrige, popularizaes por Frederic Mistral.
En 1973, Pierre Bonnaud, que defende la tesis de que l'alvernés ye una llingua orixinal estremada de la llingua d'oc, creó unes normes ortográfiques específiques. Esti sistema ortográficu conozse col nome d'Escritura Alvernesa Unificada (eicritürà euvarnhatà vunefiadà).
Dellos escritores n'alvernés
[editar | editar la fonte]A partir del sieglu XI apaecen los primeros trovadores orixinarios d'Auvernia, como Peire d'Alvernhe, Dalfin d'Alvernhe, Peirol, Pons de Chaptuelh, Peire Cardinal, el flaire de Montaudon o Na Castelloza. Sicasí, nun puen considerase stricto sensu como escritores n'alvernés, yá qu'escriben mandándose d'un modelu llingüísticu idénticu al del restu de los trovadores, nel que nun apaecen práuticamente rasgos dialeutales propios del so área llingüística. Ye a partir de los sieglos XVI y XVII cuando se pue falar d'una lliteratura específicamente alvernesa.
- Pèire Biron
- Regis Michalias (1844-1916)
- Benazet Vidal
- Andrée Homette (+2008)
- Josy Guilhòt
- Joan Ros
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Alvernés.