Televisión de Galicia
Televisión de Galicia | |
---|---|
canal de televisión | |
| |
Llocalización | |
Sede | Santiago de Compostela |
Direición | España |
Historia | |
Fundación | 1985 |
Fundador | Corporación de Radio e Televisión de Galiciade Radio-Televisión de Galicia |
Organigrama | |
Dueñu | Corporación de Radio e Televisión de Galiciade Radio-Televisión de Galicia |
Web oficial | |
La Televisión de Galicia, tamién llamada A Galega, ye una canal de televisión gallega que forma parte de la Corporación de Radiotelevisión de Galicia (CRTVG) xunto cola Radio Galega. Tien les sos instalaciones centrales en San Marcos, na parroquia de Bando, nel conceyu de Santiago de Compostela.
Nel mes de xineru del añu 2009 la TVG convirtióse en líder de les cadenes autonómiques per primer vegada na so historia[1], anque foi ente 1988 y 1990 cuando algamó les mayores cifres d'audiencia de la so historia[2].
Historia y carauterístiques
[editar | editar la fonte]Los trabayos de construcción de la so sede entamaron n'ochobre de 1984. La direición xeneral de medios de comunicación tuvo de crear una rede de reemisores[3] pa poder tresmitir. Les emisiones escomenzaren a les 19:30 del 24 de xunetu de 1985, cola tresmisión en direutu de la inauguración de los estudios[4] y cola tresmisión pela nueche de los actos del Día del Apóstol en Santiago de Compostela. El 25 de xunetu emitió la so primer película, el curtiumetraxe Mamasunción de Chano Piñeiro. Nos meses siguientes continuó les emisiones en pruebes[5] hasta'l 1 de setiembre, cuando comenzare la programación regular, con 39 hores d'emisión a la selmana. Anguaño, emite 168 hores a la selmana, con un 70% de programación propia.
El 31 d'avientu de 1996 la canal Galeusca TV, de la que tamién formaben parte ETB y TV3 entama les sos emisiones regulares p'América vía satélite. El 17 de mayu del añu siguiente TVG entamó les sos emisiones pola rede. Dende la desapaición de Galeusca TV, TVG emite la so señal de Galicia TV América por satélite y Galicia TV Europa pa España y Europa por satélite y cable
TVG emite en llingua gallega dafechu, anque tamién esiste daqué programa en castellanu emitíu poles sos señales internacionles.
La TVG ye miembru de la FORTA, qu'asoleya a les diferentes televisiones autonómiques del Estáu español.
La segunda canal
[editar | editar la fonte]Anque'l llanzamientu de la segunda canal (G2) taba previstu pal 25 de xunetu de 2008[6], nun entamó les sos emisiones hasta'l 2 de febreru de 2009[7][8], dempués de fracasar l'intentu de llanzamientu n'ochobre de 2008[9][10].
Anguaño, la segunda canal emite de llunes a vienres bloques de programación pa neños de 13.45 a 15.30 y de 18.00 a 20.30, dedicando'l restu del tiempu a la emisión de la programación de la canal internacional Galicia TV América.
Referencies
[editar | editar la fonte]- ↑ A TVG, líder autonómica por primeira vez na súa historia
- ↑ Arturo Maneiro e Alfonso Cabaleiro, "A TVG". Lea, 1993, páxina 47
- ↑ Mª Luz Ríos Rodríguez e Mª Carmen Saavedra Vázquez (coord.) As institucions galegas na historia. USC, 2004, páxina 608
- ↑ «25 anos da TVG». Archiváu dende l'orixinal, el 2010-08-19.
- ↑ Xosé López García: "Tres décadas de televisión en Galicia", CGC, Santiago, páxina 52
- ↑ El País - La apertura de un segundo canal aboca a TVG a aumentar el gasto
- ↑ «A Nosa Terra - En 15 días emitirá G2, a segunda canle da Galega». Archiváu dende l'orixinal, el 2009-01-23.
- ↑ G2, a segunda canle da Galega, estrearase o vindeiro luns
- ↑ Mundoplus - El segundo canal de la TVG costará el primer año dos millones
- ↑ agalega.info - 'Cousiñas' será o primeiro programa da Galega para menores de 3 anos