Paul Reiser
Paul Reiser | |
---|---|
| |
Vida | |
Nacimientu | Nueva York, 30 de marzu de 1957[1] (67 años) |
Nacionalidá |
|
Llingua materna | inglés |
Familia | |
Padre | Samuel H. Reiser |
Madre | Helen H Reiser |
Fíos/es | 2 |
Estudios | |
Estudios |
Universidá de Binghamton Stuyvesant High School (es) East Side Hebrew Institute (en) |
Llingües falaes | inglés[2] |
Oficiu | actor, actor de televisión, compositor, ensayista, escritor, compositor de cantares, guionista, pianista, actor de teatru, actor de cine, músicu |
Instrumentu musical | pianu |
IMDb | nm0001663 |
paulreiser.com | |
Paul Reiser (30 de marzu de 1957, Nueva York) ye un comediante, actor, escritor y guionista d'Estaos Xuníos.
Primeros años
[editar | editar la fonte]Paul Reiser, nació en Nueva York dientro del senu d'una familia judia, fíu de Helen, ama de casa, y de Sam Reiser, distribuidor mayorista d'alimentos saludables.[3] Reiser asistió al East Side Hebrew Institute nel Lower East Side de Manhattan y graduóse nel Stuyvesant High School de Nueva York.[4] Llogró'l so títulu de grau na Universidá de Binghamton, onde s'especializó en música (pianu, composición). Foi activu na producciones teatrales del campus y fundó "The Little Theater That Could", una organización comuñal de teatru dientro del campus allugada en Hinman College, la residencia d'estudiantes de Reiser. Más tarde foi renombrada como "Hinman Production Company".[5] Finalmente atopó la so vocación cuando se presentó nos clubes de comedia de Nueva York mientres les sos vacaciones universitaries.
Carrera
[editar | editar la fonte]Dempués de perfeccionar les sos habilidaes como comediante en Nueva York, la esplosión de Reiser nel cine vieno en 1982, cuando apaeció en Diner, una cinta adolescente de Barry Levinson. El personaxe de Reiser, Modell, un comediante tapáu, atraxo l'atención de Hollywood escontra les habilidaes risibles de Reiser. La película tamién ayudó a llevantar les carreres de les sos coprotagonistas Kevin Bacon, Steve Guttenberg y Mickey Rourke. Siguió esti ésitu interpretando a un detective na película de 1984 Beverly Hills Cop, un papel que repitió na secuela de 1987 Beverly Hills Cop II. Raiser tamién tuvo roles na película Aliens (1986) de James Cameron, en The Marrying Man (1991), y na comedia Bye Bye Love (1995).
Reiser actuó por dos años en televisión como unu de los dos posibles padres d'una adolescente na comedia My Two Dads, y dempués aumentó la so fama n'Estaos Xuníos como Paul Buchman en Mad About You, una serie risible qu'ayudó a crear y na que Helen Hunt interpretaba a la so esposa. Él amás tocó'l pianu na grabación del cantar principal de la serie. Pol so trabayu en Mad About You, Reiser recibió nominaciones a un Emmy, a un Globu d'Oru, a un American Comedy Award y a un Screen Actors Guild Award. Na esitosa temporada final del programa (1999), pagóse-y a él y a Hunt un millón de dólares (1,3 millones actuales) por episodiu.[6]
Nel 2001, Reiser tomó un papel dramáticu, interpretando a un home desesperáu por atopar a la so madre biolóxica depués de saber que tenía una grave enfermedá, nel telefilme británicu My Beautiful Son.
Reiser amás escribió dos llibros: Couplehood, sobre los altos y baxos de tar comprometíu nuna rellación, y Babyhood, alrodiu de la so esperiencia de ser padre per primer vegada. Couplehood yera un llibru únicu pol fechu de qu'empieza na páxina 145. Reiser esplicó esto como la so manera de dar al llector un falsu sentimientu d'habilidá. Dambos llibros apaecieron na llista de bestsellers del The New York Times. En mayu de 1996 apaeció en The Late Show with David Letterman nel mediu del procesu d'escritura del so segundu llibru. Como nun tenía títulu inda (más tarde sería llamáu Babyhood), amosó un llibru de utilería cola mesma tapa del so primer llibru Couplehood. El títulu yera a cencielles Book, nome qu'usaría Whoopi Goldberg pa la so publicación de 1997.
Nel 2002, Reiser tuvo una apaición como actor invitáu ya interpretándose a si mesmu na aclamada serie de Larry David Curb Your Enthusiasm, de HBO.[7]
Reiser ta allugáu nel númberu 78 na llista de Comedy Central de los 100 más grandes comediantes en direuto de tolos tiempos.
El nome de la productora de Reiser, Nuance Productions, vien d'una de les sos llinies na película Diner, onde esplica'l so incomodidad cola pallabra nuance (n'español, matiz).
Vida personal
[editar | editar la fonte]Reiser casóse'l 21 d'agostu de 1988 con Paula Ravets, y tien dos fíos: Ezra Samuel (nacíu en setiembre de 1995), y Leon (nacíu'l 2000).[8]
Filmografía
[editar | editar la fonte]- Diner (1982)
- Beverly Hills Cop (1984)
- Odd Jobs (1986)
- Aliens (1986)
- Beverly Hills Cop II (1987)
- Cross My Heart (1987)
- Crazy People (1990)
- The Marrying Man (1991)
- 3½ Blocks from Home (1992)
- Family Prayers (1993)
- Mr. Write (1994)
- Bye Bye Love (1995)
- Get Bruce (1999)
- The Story of Us (1999)
- Pros & Cons (1999)
- My Beautiful Son/Strange Relaction (2001)
- One Night at McCool's (2001)
- Women vs. Men (2002)
- Purpose (2002)
- The Thing About My Folks (2005)
- The Aristocrats (2005)
- Funny People (2009)
- Whiplash (2014)
Televisión
[editar | editar la fonte]- Remington Steele - Temporada 1, Episodiu 13 - "A Good Night's Steele" (1982)
- My Two Dads (1987-1990)
- Mad About You (1992-1999)
- Curb Your Enthusiasm (2002-)
- Atlanta[9]
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 28 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: CONOR.SI. Identificador CONOR.SI: 35911779.
- ↑ http://www.filmreference.com/film/20/Paul-Reiser.html
- ↑ Lyman, Rick (5 de setiembre de 1997). Be It Ever So Urban, It's Green. New York Times. http://query.nytimes.com/gst/fullpage.html?res=9506Y7D71230F936A3575AC0A961958260. Consultáu'l 1 de payares de 2007.
- ↑ «Archived copy». Archiváu dende l'orixinal, el 2009-10-27.
- ↑ Carter, Bill (24 de marzu de 1998). THE MEDIA BUSINESS; NBC Signs Deal to Keep 'Mad About You' for Another Season. New York Times. http://query.nytimes.com/gst/fullpage.html?res=9802Y7D81338F937A15750C0A96Y958260. Consultáu'l 24 de marzu de 2008.
- ↑ https://www.imdb.com/title/tt0551424/
- ↑ NNDB Entry
- ↑ «Chicago Tribune». Chicago Tribune. http://www.chicagotribune.com/topic/zap-prinzeatlantapilotcasting,0,4209768.story.
Enllaces esternos
[editar | editar la fonte]- Paul Reiser na Internet Movie Database (n'inglés)