Diario de León
Diario de León | |
---|---|
Datos | |
Tipu | periódicu |
Fundación | 1906 |
Idioma | castellanu |
Estáu |
|
Sede | Lleón |
Llugar de publicación | Lleón |
Páxina web | diariodeleon.es |
El Diario de León ye'l decanu de la prensa lleonesa y el periódicu más vendíu nel conxuntu de la provincia, cola so propia editorial. Anque pasó por munchos dueños, l'actual (dende mediaos del 2007) ye'l presidente del grupu Begar, el llionés José Luis Ulibarri, dueñu tamién del 50% de la sociedá Radio Televisión de Castiella y Llión. La redaición tópase allugada na Carretera Llión-Astorga, km 4,5 de la lLocalidá de Trobajo del Camino.
Historia
[editar | editar la fonte]El Diario de León foi fundáu en 1906 na ciudá de Llión, lo qu'anguaño lu convierte nel más antiguu de la provincia.
En 1984 la empresa propietaria del Diario de León allegó a la puya de La Hora Leonesa y Lo adquirió, anque dempués decidió zarralo.[1] Con ello llibróse del so principal competidor.[1] A mediaos de la década de 1980, acoyó los primeros trabayos profesionales del dibuxante llionés Miguel Ángel Martín.[2] Tenía una edición especial pa la contorna d'El Bierzu, que dexó d'esistir en xineru de 2010 por decisión empresarial. El periódicu argumentó motivos téunicos.
Premios
[editar | editar la fonte]- Medaya d'oru de la provincia[3]
- Medaya d'Oru de la ciudá de Llión
- Medaya d'Oru de les Cortes de Castiella y Llión
- Premiu Nacional al Fomentu de la Llectura.
Carauterístiques
[editar | editar la fonte]El Diario de León amuesa una importante dedicación a les noticies de la provincia, cuntando con delegaciones nes ciudaes más importantes de la mesma y una redaición en Ponferrada. Los datos qu'ufiertó la OJD correspondientes a 2008, indiquen una tirada media de 17.530 exemplares diarios con unu espardimientu mediu de 15.269 exemplares,[4] ente que los datos de 2015 indicaben una tirada media de 12.914 exemplares y un espardimientu de 11.043, lo que significa un descensu del 26,33% en tirada y del 27,33% n'espardimientu.[5] Los datos d'ochobre de 2016 indiquen que'l Diario de León tien 11.074 exemplares de tirada y 9.915 vendíos de media. El periódicu dispón tamién d'una edición dixital que nel mes d'abril de 2009 contabilizó un total 544.938 visites y en setiembre de 2016 un total de 729.875 navegadores únicos.[6]
Referencies
[editar | editar la fonte]- ↑ 1,0 1,1 Elena González, 2012, p. 119.
- ↑ MONTIJANO, Marc (2002). Crónica Negra. Miguel Ángel Martín, tebeosfera.
- ↑ saber.es (ed.): «Apurre de la Medaya d'Oru de la provincia a diariu de Llión» (1981). Consultáu'l 23 de mayu de 2009.
- ↑ ojd.es (ed.): «Difusión de los periódicos españoles. Diario de León (2008)». Archiváu dende l'orixinal, el 19 d'avientu de 2008. Consultáu'l 23 de mayu de 2009.
- ↑ Tienes d'especificar urlarchivu = y fechaarchivu = al usar {{cita web}}. ojd.es (ed.): «Difusión de los periódicos españoles. Diario de León (2015)». Consultáu'l 28 de payares de 2016.
- ↑ ojdinteractiva.es (ed.): «Difusión media de periódicos on-line. Diario de León Abril 2009». Consultáu'l 23 de mayu de 2009.