Soizbuag

Stod Soizbuag
Nochtbüidl vom Makartsteg aufd Soizoch
Woppn	Londkoatn
Des Wichtigste
Bundeslond:	Soizbuag
Beziak:	Statutarstod
Flächn:	65,678 km²
Leid:	150.000 (2006)
Leid in da Agglomarazion:	210.000 (2006)
Leid pro Quadratkilometa:	2284
Hechn:	424 Meta üwa da Adria
Postleitzoi:	5020
Vorwoi:	0662
Autokennzeichn:	S
Adress vom Magistrat:	Mirabellplatz 4 5024 Salzburg
Internetsaitn:	www.stadt-salzburg.at
I-Mäil-Adress:	[email protected]
Politik
Buagamasta:	Heinz Schaden (SPÖ)
Paatein in da Regierung:	SPÖ, ÖVP, Büagalistn
Do siacht ma vom Kapuzinabeag aufd Oidstod, des an da Soizoch is da Rudoifskäi. Do siacht ma vo da Festung aufn Dom und aufd Oidstod.

Soizbuag is de Hauptstod vo dem östareichischn Bundeslond, wos aa Soizbuag haaßt. Gemeinsom midn Beziak Soizbuag-Umgebung iss da Flochgau, ana vo de fünf Gaue vom Lond Soizbuag. In da Stod Soizbuag wohnan ungefähr 150.000 Leid (Stond vo 2006); damid iss de vieatgreßte Stod vo Östareich (noch Wean, Graz und Linz). In da gonzn Stodregion (Agglomarazion) sands ziaka 210.000 Leid. Soizbuag hod a Einzugsgebiet, wos üwa de Grenzn vom Bundeslond ausse geht. Da Südostn vo Baian, da Südwestn vo Owaöstareich und da Noadwestn vo da Owasteiamoak ghern do aa dazua. De Stod Soizbuag is des Zentrum (Owazentrum, sogn de Raumplana) vo da Euregio Soizbuag - Berchtsgona Lond - Traunstaa. Vüi Leid sogn "Mozartstod" zu Soizbuag, wei doat da Mozart aufd Wöid kumma is.