Volkshochschui Straubing
| Volkshochschule Straubing gGmbH | |
|---|---|
| Schuifuam | Volkshochschule |
| Grindung | 1947 |
| Adress |
Steinweg 56, 94315 Straubing |
| Oat | Straubing |
| Land | Bayern |
| Staat | Deutschland |
| Koordinatn | 48° 52′ 15″ N, 12° 34′ 59″ O |
| Träga | Stadt Straubing |
| Leitung | Ulrich Holzapfel |
| Netzseitn | www.vhs-Straubing.de |
De Volkshochschui Straubing (offiziäi kennt mas aa ois Volkshochschule Straubing gGmbH oda vhs Straubing) is a effadliche Eirichtung de da Stod Straubing ghert, mim Motto: "Buidung de nah ligt und weidabringt".
De vhs Straubing is a gmoanitzige Gsäischoft mid bschränkta Haftung. Grind vo da Stod Straubing ois Gsäischofta " zan Zweck da Feadarung da Buidung Dawoxana und Herowoxnda af sämtlichn Bereichn fum gengwertign Lem in einer freiheitlichrechtsstaatlich geordneten Gesellschaft im Rahmen der kommunalen Aufgabenstellung der Stadt Straubing im Sinne des Art. 83 Abs. 1 der Bayerischen Verfassung und Art. 7, 57 Abs. 1 der Bayerischen Gemeindeordnung".
Programm
As Programm fia de kreisfreie Stod Straubing lafft iwa zwoa Semesta und hod nem oi Kurse fia de Bereiche Gsäischoft/Lem, Berufliche Buidung, EDV/Mulitmedia/Grundbuidung, Schbrochn, Gsundheit und Kuitua/Gstoitn a no weidare, wia Vorträg und de Vamittlung vo Buidungsreisn/Ausflig.
Aa fia de Äidan Leid (aktive Generation 50+)' gibds Voanstoidunga und fia Fraun, Manna, Kinda und Jugand ("junge vhs").
Da Computer-Fiaraschei ko aa gmocht wean, im : Prifungszändrum fian ECDL, European Computer Driving Licence - aa Europäischa Computerfiaraschei gnennt.
Zwoamoi im Joa kimmt s Programmheft oda de "blaua Seitn" aussa - des gfind ma dann im vhs-Haus, im Biachalodn, bam Dokta, da Bank, in de Geschäfta und iwaroid.
Gschicht vo da Dawoxnabuidung z'Straubing
- 1849 Grindung fum Oawatabuidungsvorain Straubing
- 1853 Grindung fum Katholischn Gsäinvorain
- 1902 Grindung fum Oatsvorain Straubing ois Sekzion fum katholischn Preßvorain fia Bayern
- 1903 Dürerbund, az Straubing aktiv
- 1922 werd in da Stod Straubing a Voiksbuidungs-Voband, de "Oawatsgmoaschofd fia Voiksbuidung" grind.
- 1939 is dann de "Neigstoitung vo da Dawoxnabuidung" in da "NS-Gmoaschofd KdF" grind gwen.
(Quäin: 125 Joa Dawoxnabuidung z Straubing)
Gschicht vo da Voikshochschui
Nai- oda nomoi grind iss am 19. Jenna 1947, ois Voiksbuidungsweak Straubing woan. Unta da Fiarung fum Oidowabiagammoasta Fritz Geisperger, Studienrod Rudolf Zimmerhackl und Biagamoasta Hans Vicari wiad des Buidungsweak a Institution im gsäischofdlichn Lem vo da Stod und vom Landkreis.
Im Johr 1978 wird aus'm Volksbuidungswerk (VBW) de Städtische Volkshochschui Straubing.
1996 konn de vhs de erstn eigana Zimma im ehemaligen Manakrankenhaus (friara Franziskanakloasta), in da Schuigass 22 hernemma - da wird nachad as vhs-Buidungszentrum aafbaut, des de vhs bis Mitte 2013 nutzen derf.
Seit'm 1. Januar 2002 is de Straubinger vhs etza de „Volkshochschule Straubing gemeinnützige GmbH (gGmbH)“, von da Stod Straubing als oanzige Gsellschafterin mit'm Zweck da Förderung von da Buidung Erwachsener und Heranwachsender - es gibt ezta koan ehrenamtlichn Leiter mehr, sondern da Gschäftsführer is a da pädagogische Leita.
Im September 2012 werdn de Büros und de erstn Klassnzimmer am Stoaweg 56 (Steinweg, ehemois Strickwarenfabrik Krojer, später dann Teil vo da Skifabrik Völkl) fertig - noch und noch werd weiter um- und ausbaut, bis dann endlich im Januar 2014 de letztn Klassenzimmer im Dachgschoss fertig werdn.
Am 13.02.2014 werd des neie vhs-Haus am Stoaweg dann feierlich eigweiht.
vhs-Haus
Die vhs Straubing is seit September 2012 am Stoaweg (Steinweg 56) z'findn - do macht de Stod Straubing de Entwicklung und den Aufbau vo am zeitgemäßn und barrierefreien vhs-Buidungszentrum meglich.
Do gibt's mehrere Klassenzimma, Compjuda, Gümnastikzimma, Zimma zum obakemma (Entspannungsräume), Werkstod, a Lehrkich, as Café (do is imma moi wieda Ba do und verkauft an Kaffee und an Kuacha) und de Büros vo de vhs-Leid - schrittweis is de oide Fabrik umbaut worn.
De vhs nutzt oha a an Straubinger Schuin und bei andere Stelln Turnhoin und andere Zimma, um Vorträge, Kurse und Lehrgang (meist af d'Nacht und am Wochaend) macht z'kenna.
Literadua
- Ludwig Reff, Historischer Verein für Straubing und Umgebung (Hrsg.): 125 Jahre Erwachsenenbildung in Straubing - Chronik der städtischen Volkshochschule, in: Jahresbericht des Historischen Vereins für Straubing und Umgebung 89 Jahrgang (1987) S. 297-326. Straubing 1988.
- Hans Vicari, Ludwig Reff, vhs Straubing (Hrsg.): 50 Jahre Städtische Volkshochschule (Volksbildungswerk) Straubing. Straubing 1996.