Гоні

Го́ні (састарэлае гон) — старадаўняя народная мера даўжыні. Звычайна адлегласць, пройдзеная запрэжаным у саху канём, або частка поля, апрацаваная (узараная ці скошаная) за адзін прыём. Мера не заўсёды аднолькавая, залежала ад фізічных магчымасцяў чалавека і жывёлы, таму ніколі не была афіцыйнай мерай.

На Беларусі раўнялася прыблізна 80–100 м.

Літаратура

• Беларуская Савецкая Энцыклапедыя. У 12 т. Т. 3. Веды — Графік / Рэдкал.: П. У. Броўка (гал. рэд.) і інш. — Мн.: БелСЭ, 1971. — 608 с.: іл., карты. С.556.