Федэрыка Феліні

Шаблон:Пачатак артыкулу Федэры́ка Фелі́ні (итал.: Federico Fellini; 20 студзеня 1920 — 31 кастрычніка 1993) — выбітны італьянскі рэжысёр. Нарадзіўся і вырас у Рыміні. Памёр у Рыме ва ўзросце 73 гадоў ад інсульта. Аэрапорт у Рыміні названы ў яго гонар.

Біяграфія

Раннія гады

Федэрыка Феліні нарадзіўся 20 студзеня 1920 года ў сям'і коміваяжора. Ён рос хваравітым дзіцем. Ужо ў дзяцінстве Феліні любіў уладкоўваць прадстаўленні: вырабляў маскі, размалёўваў лялек, шыў гарнітуры. Вялікае ўражанне на яго зрабіў цырк, які прыехаў на гастролі ў яго горад.

Адукацыю Фэдэрыка атрымаў класічную, скончыўшы манастырскую школу ў Фао. У 1937 годзе ён пераязджае ў Фларэнцыю, дзе вучыцца на рэпарцёра, падзарабляючы карыкатурыстам у фірме «Феба» свайго прыяцеля Дэмаса Баніні. У 1938 годзе Феліні прыязджае ў Рым. Жыве недалёка ад вакзалу, у мэбляваных пакоях, суседнічаючы з гандлярамі-кітайцамі, злодзеямі і прастытуткамі. За сваю худэчу Федэрыка атрымаў мянушку «Гандзі». У гэты час ён зарабляе на жыццё малюнкамі для газет і часопісаў і піша тэксты для вар'етэ, рэкламы і невялікіх радыёпастановак. З 1938 па 1942 год Феліні публікуецца ў знакамітым гумарыстычным часопісе «Марк Аўрэлій», вядомым сваім антыфашызмам. Каля сямісот яго твораў убачылі свет, перш чым яму прапанавалі пісаць сцэнарыі.