Перайсці да зместу

Анатоль Васілевіч Макараў

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Макараў.
Футбол
Анатоль Макараў
Поўнае імя Анатоль Васілевіч Макараў
Нарадзіўся 10 красавіка 1996(1996-04-10)[1] (28 гадоў)
Грамадзянства  Беларусь
Рост 183 см[2]
Вага 68 кг[2]
Пазіцыя паўабаронца
Інфармацыя пра клуб
Клуб Расія Сочы
Нумар 88
Клубная кар’ера[* 1]
2013—2018 Беларусь Тарпеда-БелАЗ (Жодзіна) 0 (0)
2018 →  Беларусь Слонім-2017 26 (3)
2019—2020 Беларусь Смалявічы 53 (8)
2021—2023 Беларусь Тарпеда-БелАЗ (Жодзіна) 41 (0)
2023—2024 Расія Арсенал (Тула) 31 (2)
2024— Расія Сочы
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 ліпеня 2024.

Анатоль Макараў (нар. 10 красавіка 1996, Ратамка) — беларускі футбаліст, паўабаронца расійскага клуба «Сочы».

Клубная кар’ера

[правіць | правіць зыходнік]

Выхаванец жодзінскага «Тарпеда-БелАЗ», з 2013 года гуляў за дубль клуба, дзе з часам замацаваўся ў складзе. У 2015 годзе зрэдку трапляў у заяўку асноўнай каманды, але на поле не выйшаў. У лютым 2018 года разам з братам Сцяпанам на правах арэнды далучыўся да «Слоніма-2017», дзе неўзабаве стаў адным з асноўных ігракоў.

У лютым 2019 года перайшоў у «Смалявічы». Стаў іграком стартавага складу і дапамог камандзе выйсці ў Вышэйшую лігу. У 2020 годзе заставаўся асноўным іграком каманды ў Вышэйшай лізе, аднак не здолеў выратаваць «Смалявічы» ад вылету. У снежні 2020 года па заканчэнні кантракта пакінуў клуб[3].

У студзені 2021 года вярнуўся ў «Тарпеда-БелАЗ»[4]. У сезоне 2021 пераважна выхадзіў на замену, у 2022 годзе стаў часцей з’яўляцца ў стартавым складзе каманды. У пачатку 2023 года заставаўся на лаўцы запасных, пасля з-за забароны Міністэрства спорту і турызму быў выключаны з заяўкі клуба і не прымаў удзел у афіцыйных матчах.

У ліпені 2023 года падпісаў кантракт з тульскім «Арсеналам»[5]. У чэрвені 2024 года пакінуў тульскі клуб[6] і неўзабаве стаў іграком «Сочы»[7].

Дасягненні

[правіць | правіць зыходнік]

Статыстыка выступленняў

[правіць | правіць зыходнік]
Сезон Дывізіён Клуб Матчы Галы
2013 дубль Тарпеда-БелАЗ 9 0
2014 дубль Тарпеда-БелАЗ 31 0
2015 дубль Тарпеда-БелАЗ 26 5
2016 дубль Тарпеда-БелАЗ 30 2
2017 дубль Тарпеда-БелАЗ 30 9
2018 Д2 Слонім-2017 26 3
2019 Д2 Смалявічы 26 5
2020 Д1 Смалявічы 27 3
2021 Д1 Тарпеда-БелАЗ 16 0
2022 Д1 Тарпеда-БелАЗ 25 0
2023 (1) Д1 Тарпеда-БелАЗ 0 0
2023/24 Д2 Арсенал 31 2

Грамадзянская пазіцыя

[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[8].

Крыніцы

[правіць | правіць зыходнік]
  1. ↑ а б Anatoliy Makarov // Transfermarkt — 2000.
  2. ↑ а б https://www.teams.by/-/player-24948/
  3. ↑ 10 футболистов покинули "Смолевичи" (руск.). football.by (15 снежня 2020). Праверана 29 ліпеня 2024.
  4. ↑ Бурко, Абрамович и Макаров подписали контракты с «Торпедо-БелАЗ» (руск.). by.tribuna.com.
  5. ↑ "Арсенал" из Тулы объявил о подписании контракта с белорусским хавбеком (руск.). football.by (26 ліпеня 2023). Праверана 29 ліпеня 2024.
  6. ↑ Анатолий Макаров покинул тульский "Арсенал" (руск.). football.by (10 чэрвеня 2024). Праверана 29 ліпеня 2024.
  7. ↑ Анатолий Макаров стал игроком "Сочи" (руск.). football.by (25 чэрвеня 2024). Праверана 29 ліпеня 2024.
  8. ↑ 93 беларускія футбалісты выступілі з асуджэннем гвалту ВІДЭА . Наша Ніва (12 верасня 2020). Праверана 6 лютага 2024.
Узята з "https://be.wikipedia.org/w/index.php?title=Анатоль_Васілевіч_Макараў&oldid=4811674"