Белеп
Белеп | |
---|---|
фр. Bélep | |
Выгляд з космасу | |
Характарыстыкі | |
Найбуйнейшы востраў | востраў Арт |
Агульная плошча | 69,5 км² |
Найвышэйшы пункт | 283 м |
Насельніцтва | 895 чал. (2009) |
Шчыльнасць насельніцтва | 12,88 чал./км² |
Размяшчэнне | |
19°43′ пд. ш. 163°39′ у. д.HGЯO | |
Акваторыя | Ціхі акіян |
Краіна | |
Бе́леп (фр.: Bélep) — невялікі архіпелаг у Ціхім акіяне ў 45 км на поўнач ад Новай Каледоніі. Уваходзіць у склад гэтай краіны. Агульная плошча — 69,5 км². Насельніцтва (2009 г.) — 895 чал.
Астравы выцягнуліся на 40 км уздоўж лагуны Бар’ернага рыфа Новай Каледоніі. Маюць аднолькавую геалагічную будову з Новай Каледоніяй. Берагі скалістыя. Маецца радовішча кобальту, якое не распрацоўваецца.
Клімат трапічны пасатны. Найбольш цёплыя месяцы — снежань і студзень.
У старажытнасці астравы былі населены канакамі з племені наласу на чале з правадыром Белепа. У 1856 г. французскія місіянеры распаўсюдзілі сярод іх каталіцызм. У 1878 г. французскія каланіяльныя ўлады выкарыстоўвалі Белеп для высылкі канакаў-паўстанцаў з Новай Каледоніі. У 1892—1898 гг. тут знаходзілася калонія хворых на лепру. У 1961 г. была створана асобная астраўная адміністрацыя з цэнтрам у вёсцы Ваала на самым вялікім востраве Арт.
У наш час большасць насельніцтва складаюць канакі, якія падзяляюцца на 8 племянных груп. Аснова эканомікі — рыбалоўства.
Спасылкі
[правіць | правіць зыходнік]- Bélep Islands
- Wind & weather statistics Île d’Art/Belep
- Paroisse St Pierre de Belep Архівавана 4 чэрвеня 2013.
Артыкулу нестае спасылак на крыніцы. |