Васіль Сцяпанавіч Жудро
Васіль Сцяпанавіч Жудро | |
---|---|
Дата нараджэння | 1917 |
Месца нараджэння | |
Дата смерці | 20 красавіка 1942 |
Месца смерці | |
Грамадзянства | |
Узнагароды і прэміі |
Васіль Сцяпанавіч Жудро́[1] (1917, Карані, Рэчыцкі павет, Мінская губерня, Расійская імперыя — 20 красавіка 1942, Мінск, БССР) — кіраўнік падпольнага руху на тэрыторыі Беларусі ў гады Вялікай Айчыннай вайны.
Біяграфія
[правіць | правіць зыходнік]У 1938 годзе быў прызваны ў Чырвоную Армію. У 1941 годзе быў датэрмінова дэмабілізаваны і накіраваны на працу ў пракуратуру горада Пінск. Вайна заспела Жудро ў Мінску, дзе ён вучыўся на юрыдычных курсах. З першых дзён акупацыі Васіль Жудро ўступіў у групу гарадскіх падпольшчыкаў, а таксама ўсталяваў сувязь з падпольшчыкамі групы Камарова (псеўданім В. З. Каржа), якая дзейнічала ў Пінскай, Баранавіцкай і Мінскай абласцях. Спачатку Жудро быў сувязным і агітатарам, наладзіў цеснае ўзаемадзеянне Мінскага падполля з партызанскімі атрадамі Каржа і Варанянскага. Падпольшчыкі забяспечвалі партызанаў зброяй і медыкаментамі, а таксама перапраўлялі жыхароў Мінска ў атрады.
У снежні 1941 гады Жудро абралі кіраўніком аднаго з райкамаў Мінскага падпольнага гаркама. Пад яго кіраўніцтвам быў здзейснены шэраг буйных дыверсій на прадпрыемствах Мінска, пушчана пад адхон мноства эшалонаў ворага, знішчаліся дробныя групы нямецкіх салдатаў шляхам арганізацыі засад у ваколіцах горада.
17 красавіка 1942 года Васіль Жудро атрымаў агнястрэльнае раненне ў жывот пры спробе затрымання ў прыгарадзе Мінска, аднак здолеў схавацца ад пераследу і дабрацца да явачнай кватэры. Падпольшчыкі падманным шляхам арганізавалі яго шпіталізацыю ў 1-ю клінічную бальніцу, але лекарам не ўдалося паспяхова зрабіць Жудро аперацыю і 20 красавіка ён памёр.
Узнагароджаны ордэнам Айчыннай вайны I ступені пасмяротна. Імем Васіля Жудро названа вуліца ў Фрунзенскім раёне Мінска.
Крыніцы
[правіць | правіць зыходнік]Літаратура
[правіць | правіць зыходнік]- Жудро́ Васіль Сцяпанавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 442. — 10 000 экз. — ISBN 985-11-0035-8. — ISBN 985-11-0106-0 (т. 6).
Спасылкі
[правіць | правіць зыходнік]- Жудро Васіль Сцяпанавіч (1917—1942) // Сайт Адміністрацыі Фрунзенскага раёна горада Мінска
- УЛИЦА ИМЕНИ… Жудро // Агенцтва «Минск-Новости» Архівавана 2 кастрычніка 2021. (руск.)
- Фактаграфічная база даных «ІХ ІМЁНАМІ НАЗВАНЫ ВУЛІЦЫ МІНСКА» Архівавана 8 снежня 2021. // Цэнтральная бібліятэка імя Янкі Купалы