Кангеан (архіпелаг)
Кангеан | |
---|---|
індан. Kepulauan Kangean | |
Панарама | |
Характарыстыкі | |
Колькасць астравоў | 63 |
Найбуйнейшы востраў | Кангеан |
Агульная плошча | 668 км² |
Насельніцтва | 123 367 чал. (2010) |
Шчыльнасць насельніцтва | 184,68 чал./км² |
Размяшчэнне | |
6°53′49″ пд. ш. 115°18′20″ у. д.HGЯO | |
Архіпелаг | Зондскія астравы |
Акваторыя | Балі |
Краіна | |
Кангеан (індан.: Kepulauan Kangean) — архіпелаг на поўначы Балійскага мора. Уваходзіць у склад інданезійскай правінцыі Усходняя Ява. Плошча — 668 км². Насельніцтва (2010 г.) — 123 367 чал.
Геаграфія
[правіць | правіць зыходнік]Архіпелаг Кангеан месціцца ў 120 км на ўсход ад вострава Мадура і ў 120 км на поўнач ад Балі. Складаецца прыкладна з 63 астравоў і астраўкоў. Найбуйнейшым з іх з'яўляецца Кангеан (431,37 км²).
Архіпелаг узнік у выніку ваганняў ўзроўню акіяна пасля заканчэння апошняга ледавіковага перыяда. Суша мае вулканічнае паходжанне. Берагі нізкія, часцяком з каралавымі рыфамі. Найвышэйшы пункт — 364 м. На многіх астравах адчуваецца недахоп крыніц пітной вады.
З 1993 г. каля архіпелага здабываюць прыродны газ.
Клімат экватарыяльны, засушлівы. Сярэднегадавая тэмпература трымаецца каля +25°C.
Прырода
[правіць | правіць зыходнік]Пераважае расліннасць саваннага тыпу. Агульная плошча лясоў — каля 36 326,1 га. У мінулым на астравах сустракаліся алені, кракадзілы і леапарды. У нашы дні фаўна прадстаўлена шматлікімі птушкамі, казуркамі, марскімі чарапахамі.
Культура
[правіць | правіць зыходнік]Большую частку насельніцтва складаюць кангеанцы, асобны этнас, блізкі па мове і культуры да мадурцаў. Іх асноўнымі заняткамі здаўна былі рыбалоўства, гандаль драўнінай і земляробства. Вырошчваюць рыс, какосы, гародніну. Акрамя таго, на ўзбярэжжы традыцыйна сяліліся баджа. Асноўная рэлігія — іслам.
Кангеан вядомы пародай пеўняў з надзвычай звонкімі галасамі. У мінулым іх выявы выразалі на стрэхах хацін. Нават у нашы дні распаўсюджаны народныя святы, што ўключаюць тэатральныя пастановы, танцы панкі, конныя спаборніцтвы, адзінаборства гелок-гелок. Кухня знакаміта смажанымі на вогнішчы рыбай, малюскамі і мясам, прыпраўленымі кіславатай вельмі вострай падлівай.
Спасылкі
[правіць | правіць зыходнік]- KANGEAN ISLAND
- Kangean Islands, Madura Strait
- Kangean Archipelago, Indonesia Water Needs Архівавана 22 чэрвеня 2019.
- Pulau Kangean, Surga Tersembunyi di Madura Архівавана 22 чэрвеня 2019.