Лючыя Базэ
Лючыя Базэ | |
---|---|
італ.: Lucia Bosè | |
| |
Дата нараджэння | 28 студзеня 1931[1][2][…] |
Месца нараджэння | |
Дата смерці | 23 сакавіка 2020[3][4][…] (89 гадоў) |
Месца смерці | |
Грамадзянства | |
Муж | Луіс Мігель Дамінгін[d] |
Дзеці | Мігель Базэ[d], Паола Дамінгін[d] і Лючыя Дамінгін[d] |
Прафесія | актрыса, мадэль |
Узнагароды | |
IMDb | ID 0098393 |
Лючыя Базэ (італ.: Lucia Bosè; 28 студзеня 1931, Мілан — 23 сакавіка 2020[7], Сеговія) — італьянская актрыса, якая стала папулярнай у перыяд італьянскага неарэалізму ў 1950-х гадах.
Біяграфія
[правіць | правіць зыходнік]У юнацтве Лучыя працавала ў адной з міланскіх пякарань, пакуль у 1947 годзе не стала пераможцай на конкурсе прыгажосці «Міс Італія ».
Кінадэбют адбыўся ў 1950 годзе ў фільме дэ Санціса «Няма міру пад алівамі ». У тым жа годзе яна сыграла Паолу Малон у фільме Мікеланджэла Антаніоні «Хроніка аднаго кахання ». У 1953 годзе Антаніоні зноў запрасіў Лючыю ўжо на ролю Клары Манні ў фільм «Дама без камелій ».
Яе кар’ера працягвала актыўна развівацца да 1956 года, пакуль Лючыя не выйшла замуж за іспанскага матадора Луіса Мігеля Дамінгіна і праз чатыры гады пакінула кар’еру. Апошнім фільмам гэтага часу з удзелам Лючыі стаў «Тэстамент Арфея » (1960) Ж. Както.
Наступныя гады яна прысвяціла мужу і выхаванню дзяцей — Мігеля , Паолы і Лючыі.
У кіно яна вярнулася ў канцы 1960-х гадоў, з’явіўшыся ў фільме Феліні «Сатырыкон», а затым у карціне братоў Тавіяні «Пад знакам Скарпіёна » (1969). З тых часоў яна перыядычна з’яўляецца ў невялікіх ролях у фільмах Маргерыт Дзюрас , Жанны Маро, Ліліяны Кавані , Даніэля Шміда , Педра Альмадовара, Франчэска Розі , Агусці Вільяронгі , Ферзана Озпетэка і інш.
У 2000 годзе Лючыя Базэ ажыццявіла мару свайго юнацтва — адкрыла першы ў свеце Музей анёлаў. У экспазіцыі музея, размешчанага ў мястэчку Турэгана , Сеговія, прадстаўлена больш за восемдзесят прац сучасных мастакоў з розных краін з выявамі анёлаў, а таксама розныя скульптуры з анёламі[8].
Памерла 23 сакавіка 2020 года ў Сеговіі ад пнеўманіі, выкліканай каронавірусам COVID-19[9].
Сям’я
[правіць | правіць зыходнік]- Была ў шлюбе (1955—1967) з матадорам Луісам Мігелем Дамінгінам (9 снежня 1926 — 8 мая 1996)
- Дзеці:
- Мігель Базэ (нар. 3 красавіка 1956), іспанскі спявак, акцёр і рэжысёр
- Паола Дамінгін (нар. 5 лістапада 1960), іспанская актрыса
- Лючыя Дамінгін (нар. 1957), актрыса
- Унучка — Бімба Базэ (1 кастрычніка 1975 — 23 студзеня 2017), мадэль, дызайнер, спявачка (салістка гурта «The Cabriolets»), актрыса, памерла ад раку малочных залоз.
Выбраная фільмаграфія
[правіць | правіць зыходнік]- 1950 — Хроніка аднаго кахання — Паола
- 1950 — Няма міру пад алівамі — Лючыя Сільвестр
- 1952 — Рым у 11 гадзін — Сімона
- 1953 — Дама без камелій — Клара Манні
- 1955 — Смерць веласіпедыста — Марыя Хасэ дэ Кастра
- 1955 — Гэта называецца світаннем — Клара
- 1969 — Пад знакам Скарпіёна — Глая
- 1969 — «Сатырыкон» — матрона
- 1971 — Нешта крадзецца ў цемры — Сільвія Форэст
- 1972 — Наталі Гранжэ — Наталі Гранжэ
- 1973 — Крывавая цырымонія — Эржэбет Батары
Узнагароды
[правіць | правіць зыходнік]- Прэмія «Легенда Капры» (2004).
- Ордэн Грамадзянскіх заслугаў (Іспанія)[10]
Зноскі
- ↑ Person Profile // Internet Movie Database — 1990. Праверана 16 кастрычніка 2015.
- ↑ Lucia Bosé // filmportal.de — 2005. Праверана 9 кастрычніка 2017.
- ↑ https://www.publico.es/sociedad/fallece-lucia-bose-89-anos.html
- ↑ Ugolini C. Coronavirus, è morta Lucia Bosé: era ricoverata a Segovia — 2020.
- ↑ https://www.lecturas.com/actualidad/miguel-bose-su-conmovedor-mensaje-tras-fallecimiento-su-madre-lucia-bose-por-coronavirus_80929 Праверана 23 сакавіка 2020.
- ↑ https://diariodecastillayleon.elmundo.es/articulo/segovia/muere-lucia-bose-segovia-victima-coronavirus/20200323143405005642.html Праверана 23 сакавіка 2020.
- ↑ Muere Lucía Bosé a los 89 años (ісп.)
- ↑ Знаменитая киноактриса Лючия Бозе представила в Сабаделе экспозицию изображений ангелов (руск.). РИА Новости (2001 12 30).
- ↑ Итальянская актриса Лючия Бозе умерла из-за коронавируса (руск.). www.mk.ru. Праверана 24 сакавіка 2020.
- ↑ Raffaella Carrà «Dama» di Spagna: «Il mio ombelico scoperto simbolo di libertà»
- Асобы
- Нарадзіліся 28 студзеня
- Нарадзіліся ў 1931 годзе
- Нарадзіліся ў Мілане
- Памерлі 23 сакавіка
- Памерлі ў 2020 годзе
- Памерлі ў Кастыліі і Леоне
- Вікіпедыя:Артыкулы пра асоб, якія не маюць старонак цёзак па прозвішчы
- Актрысы паводле алфавіта
- Актрысы XX стагоддзя
- Актрысы Італіі
- Памерлі ад каранавіруснай інфекцыі COVID-19