Паштэт
Паштэт | |
---|---|
| |
Уваходзіць у нацыянальныя кухні | |
Французская кухня і руская кухня | |
Краіна паходжання | |
Кампаненты | |
Асноўныя | |
Падача | |
Тып стравы | закуска |
Паштэ́т (ад ням.: Раstеtе) — страва з мясных, рыбных і іншых прадуктаў, працёртых да пастападобнага стану.[1] Таксама ў склад паштэту звычайна ўваходяць гародніна, зеляніна, спецыі, або віно ці каньяк. Паштэт можа быць пададзены гарачым або халодным, але лічыцца, што паштэт становіцца смачнейшым пасля некалькіх дзён астуджэння.[2]
Паштэт у розных краінах
[правіць | правіць зыходнік]У французскай ці бельгійскай кухні паштэт могуць запякаць у цесце як пірог або ў форме бохана, у гэтым выпадку паштэт называецца pâté en croûte. Таксама паштэт можа запякацца ў спецыяльнай форме тэрын (або іншай форме), у гэтым выпадку ён вядомы як pâté en terrine. Традыцыйна, фарш, які прыгатаваны і пададзены ў тэрыне таксама называецца тэрын. Самы вядомы від паштэту, магчыма, гэта паштэт фуа-гра з печані адкормленых гусей.
У Нідэрландах, Фінляндыі, Германіі, Венгрыі, Швецыі, Даніі і Аўстрыі некаторыя паштэты з пячонкі маюць форму мяккай каўбасы, якую можна намазваць, — нідэрл.: leverworst, венг.: májpástétom/májkrém або ням.: Leberwurst (ліверныя каўбаскі). У ЗША нарэзаная ліверная каўбаса (liverwurst) выкарыстоўваецца ў якасці напаўняльніка для сэндвіча.
У Расіі і Украіне паштэт у асноўным гатуюць з ялавічыны, курынай або гусінай пячонкі[3] і звычайна называецца пячоначны паштэт, аднак могуць быць выкарыстаныя іншыя віды мяса. У адрозненні ад заходнееўрапейскага рэцэпту пячонку спачатку вараць або смажаць, змешваюць са сметанковым алеем і/або тлушчам і прыправамі (свежай або абсмажанай цыбуляй, морквай, спецыямі і зелянінай). Далей ён можа быць запечаны, але часцей за ўсё ўжываецца без аніякай апрацоўкі. Паштэт намазваецца на хлеб, часта з кропам або іншай свежай зелянінай.
Зноскі
- ↑ Булыка А. М. Слоўнік іншамоўных слоў: У 2 т. Т.2: М — Я — Мн.: БелЭн, 1999. — 736 с.
- ↑ «Terrines and Pates». The French Chef. By Julia Child. WGBH Boston.
- ↑ enjoyyourcooking.com
Спасылкі
[правіць | правіць зыходнік]На Вікісховішчы ёсць медыяфайлы па тэме Паштэт