Парк Чалюскінцаў

Парк
Парк Чалюскінцаў
Уваход у парк
Краіна	Беларусь
Горад	Менск
Каардынаты	53°55′19″ пн. ш. 27°37′00″ у. д. / 53.92194° пн. ш. 27.616667° у. д. / 53.92194; 27.616667Каардынаты: 53°55′19″ пн. ш. 27°37′00″ у. д. / 53.92194° пн. ш. 27.616667° у. д. / 53.92194; 27.616667
Дата заснаваньня	1928
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Парк Чалюскінцаў на мапе Беларусі Парк Чалюскінцаў
Парк Чалюскінцаў на Вікісховішчы

Парк Чалюскінцаў — парк культуры й адпачынку ў цэнтры Менску недалёка ад плошчы Калініна і станцыі мэтро Парк Чалюскінцаў. Месьціцца паміж праспэктам Незалежнасьці й вуліцай Макаёнка, на сёньняшні дзень займае плошчу ў 78 гектараў.

Побач з паркам знаходзяцца Дзіцячая чыгунка й Батанічны сад.

Гісторыя

Раней на месцы парку размяшчаўся лясны масіў, які называлі «Камароўскі лес», ці Лес Ваньковіча, таму першапачаткова планавалася назва «Камароўскі парк». Парк быў перайменаваны ў 1934 годзе ў Парк чалюскінцаў у гонар удзельнікаў экспэдыцыі на параходзе «Чалюскін».

Месца масавых рэпрэсіяў

Паводле кнігі успамінаў беларускага пісьменніка Францішка Аляхновіча «У капцюрох ГПУ» у Камароўскім лесе адбываліся расстрэлы зьняволеных Менскай турмы НКУС^[1].

Масавыя расстрэлы і пахаваньні ахвяраў сталінскіх рэпрэсіяў праводзіліся ў паўднёва-ўсходняй частцы парку. У памяць аб нявінных ахвярах на месцы пахаваньняў ўсталяваны памятны крыж^[2].

Крыніцы

^ Аляхновiч Ф. У капцюрох ГПУ: Аповесць / Укладанне А.У.Жынкiна, Ю.Р.Чудзiна; Прадм. А. В.Бяляцкага; Паслясл. А. А. Дышлевiча. - Мн.: Маст. лiт., 1994. - 238 с., партр. ISBN 5-340-01311-1.
^ Менск: у парку Чалюскінцаў ушанавалі ахвяраў сталінскіх рэпрэсіяў

Вонкавыя спасылкі

Гісторыя парку (рас.)

[1] Аляхновiч Ф. У капцюрох ГПУ: Аповесць / Укладанне А.У.Жынкiна, Ю.Р.Чудзiна; Прадм. А. В.Бяляцкага; Паслясл. А. А. Дышлевiча. - Мн.: Маст. лiт., 1994. - 238 с., партр. ISBN 5-340-01311-1.

[2] Менск: у парку Чалюскінцаў ушанавалі ахвяраў сталінскіх рэпрэсіяў

[1]

[2]