Лявон Вольскі

Лявон Вольскі
	Лявон Вольскі
	Леанід Артуравіч Зэйдэль-Вольскі
Дата нараджэньня	14 верасьня 1965
Месца нараджэньня	Менск, БССР, СССР;
Грамадзянства	Беларусь
Месца вучобы	Менскі дзяржаўны мастацкі каледж імя Аляксея Глебава;
Занятак	маляр, пісьменьнік, паэт, сьпявак, журналіст, аўтар-кампазытар, выканаўца-запісвальнік
Гады дзейнасьці	1984-зараз
Жанры	рок
Інструмэнты	гітара
Псэўданімы	Kanzler
Гурты	Мроя; Новае Неба; N.R.M.; Zet; Крамбамбуля
Бацька	Артур Вольскі
Маці	Сьвятлана Яўсеева[d]
Узнагароды
Сайт	lvolski.com
	Лявон Вольскі ў Вікісховішчы

Ляво́н Арту́равіч Во́льскі (сапраўднае імя Леанід Арту́равіч Зэйдэль-Во́льскі^[1], нарадзіўся 14 верасьня 1965 у Менску) — беларускі музыка, літаратар, мастак. Заснавальнік Мроі, N.R.M. і Крамбамбулі. Таксама граў і сьпяваў у гурце Новае Неба.

Біяграфія

Лявон Вольскі нарадзіўся 14 верасьня 1965 году ў Менску. Яго дзед Віталь Вольскі (1901-1988) у 1930-х гадах працаваў дырэктарам Інстытута літаратуры і мастацтва АН БССР. Бацька, паэт Артур Вольскі (1924-2002), шмат пісаў для дзяцей, перакладаў з пяці моў і стаяў у першых шэрагах нацыянальнага Адраджэньня канца 1980-х — пачатку 1990-х. Продкі Лявона — магілёўскія немцы-лютэране, таму яго сапраўднае прозьвішча — Зэйдэль-Вольскі.

У 1981 годзе ў Менскай мастацкай вучэльні ім. Глебава разам з Уладзімерам Давыдоўскім і Алезісам Дземідовічам ён заснаваў рок-групу «Фаварыт» (пасьля — «Мроя»).

У 1989 у разгар перабудовы «Мроя» (Алег Дземідовіч, Юрась Ляўкоў, Піт Паўлаў, Лявон Вольскі) прагучала на ўвесь СССР, запісаўшы на ўсесаюзнай студыі «Мэлёдыя» пласьцінку «Дваццаць восьмая зорка». У 1994 годзе музыкі «Мроі» ствараюць новую групу — «N.R.M.» («Незалежная Рэспубліка Мроя»), якая за 13 гадоў выпусьціла 8 альбомаў і трывала заслупавала за сабой рэнамэ флагманаў беларускага року. Сумесныя праекты з удзелам Вольскага — «Народны альбом» і «Я нарадзіўся тут» — сталі ў Беларусі культавымі, а «Gazeta Wyborcza» нават назвала «Народны альбом» галоўнай падзеяй 1997 году ў Польшчы.

Акрамя «N. R. M» Вольскі сьпявае і гуляе ў групах «Крамбамбуля» і «ZET». Аўтар некалькіх кніг паэзіі. Жанаты. Жонка Ганна — музычны прадусар. Дачцы Адэлі 9 гадоў.

Творчы шлях

У гурце «Мроя» быў вакалістам і клявішнікам. Аўтар тэкстаў гурта ULIS, альбом Па-над дахамі (1995). У гуртах «N.R.M.», «Крамбамбуля» — вакаліст і рытм-гітарыст. Браў удзел у гурце «Новае Неба»^[2] у якасьці рытм-гітарыста і бэк-вакаліста. А таксама вакаліст і рытм-гітарыст гурта «ZET».

Публікацыі

Выпусьціў дзьве кнігі паэзіі: «Калідор» (1993) і «Фотаальбом» (2000). Разьмяшчаў артыкулы і апавяданьні ў «Нашай Ніве». Друкаваўся ў часопісе «Тэксты». Апавяданьне «Новая кватэра Казімера» ў зборніку прозы «Паветраны шар» зь бібліятэкі «Нашай Нівы».

Іншае

Вёў перадачу «Квадракола» на «Радыё Рацыя».

Дыскаграфія

Альбомы

Куплеты і прыпевы (2008)

Супольныя праекты

Зноскі

Вонкавыя спасылкі

[1] Хартыя'97, Лявон Вольский: «Запреты растят оппозицию» (рас.)

[2] Лявон Вольскі на старонцы "Хто ёсьць хто ў РБ" (рас.)

[1]

[2]