Гілары Мэнтэл (па-ангельску: Hilary Mary Mantel; 6 ліпеня 1952 — 22 верасьня 2022) — брытанская пісьменьніца й літаратурная крытык. Яе працы месьцяцца ад асабістых успамінаў да гістарычных падзей і былі зьмешчаны ў шэрагу шорт-лістоў літаратурных прэмій. Ляўрэат Букераўскай прэміі 2009 і 2012 гадоў[7].
Гілары нарадзілася ў мястэчку Гласоп (Glossop) графства Дэрбішыр і была старэйшай з трох дзяцей сям’і. Выхоўвалася ў Дэрбішырскай вёсцы заводу Гадфілд (Hadfield), вучачыся ў мясцовай рымска-каталіцкай пачатковай школе. Яе бацькі, Маргарэт і Гэнры Томпсан, абодва нарадзіліся ў Ангельшчыне, ірляндцы па паходжаньні. Калі Гілары было адзінаццаць, бацькі разьвяліся. Па хуткім часе зьявіўся айчым Джэк Мэнтэл і яна ўзяла яго прозьвішча.