Tocang
Tocang[1] (hurup Arab Gundul: توچڠ) atawa cocang[1] (hurup Arab Gundul: چوچڠ) entu modèl rambut lanang nyang dikuncung terus dikuncir di batok belakang nyang jadi hasnya jaman Wangsa Cing (1644-1911) di Tiongkok. Ni modèl rambut awalnya dikenalin ama Nurhaci pas uda nyingkirin Wangsa Bèng di Tiongkok awal-awal abad ke-17. Adapun kata tocang atawa cocang entu dikenalin ama orang-orang Singké' deri rungkun Hokkièn nyang pada hijrah ke Asia Kidul-wètan, masup juga' Indonésia jaman Cing.