Robin Le Normand

Robin Le Normand

den

Reizh pe jener	paotr
Bro ar geodedouriezh	Frañs, Spagn
Bro sport	Spagn
Anv e yezh-vamm an den	Robin Le Normand
Anv ganedigezh	Robin Aimé Robert Le Normand
Anv-bihan	Robin
Anv-familh	Le Normand
Deiziad ganedigezh	11 Du 1996
Lec'h ganedigezh	Pabu
Breur pe c'hoar	Théo Le Normand
Yezh vamm	galleg
Yezhoù komzet pe skrivet	galleg
Micher	c'hoarier mell-droad
Savlec’h c’hoari pe spesialded	defender
Deroù ar prantad labour	2013
Ezel ar skipailh sport	Atlético de Madrid
Sport	mell-droad

Robin Le Normand a zo ur c'hoarier mell-droad breizhat hag a c'hoari e-barzh skipailh broadel Bro-Spagn. Ganet e oa d'an 11 a viz Du 1996 e Pabu. Difenner kreiz eo er c'hlub euskarat Real Sociedad abaoe 2016.

Buhezskrid

Yaouankiz

Genidik eo eus Brehant-Monkontour, e Bro-Sant-Brieg. Kregiñ a ra da c"hoari mell-droad en Évron Football Club, a-raok mont d'al Lamballe FC betek ar rummad U15.

Stad Brest 2011-2015

E 2011, d'an oad a 15 vloaz, eo tutaet gant Stad Brest 29.

Mont a ra e-barzh ar skipailh micherel er c'houlzad 2015-2016, e Kevre 2. C'hoari a ra e grogad kentañ e Kevre 2 d'an 15 a viz Ebrel 2016 a-enep ar FC Sochaux.

D'ar Real Sociedad (2016-)

E fin ar c'houlzad n'eo ket miret gant Stad Brest, hag Eric Olhats, tutaer ar Real Sociedad hag en doa dizoloet ha tutaet Antoine Griezmann un nebeud bloavezhioù kent, a ya e darempred gantañ.

Kinnig a ra Eric Olhats da Robin Le Normand, 19 vloaz dezhañ, ober un esae gant ar Real Sociedad, klub Donostia en Euskal Herria, e deroù miz Gouere 2016.

Real Sociedad B (2016-2018)

Sinet ez eus ur gevrat vicherel 2 vloaz gant Robin Le Normand d'ar 4 a viz Gouere 2016 ha mont a ra e-barzh skipailh B ar c'hlub da gentañ, en trede rummad spagnol. C'hoari a ra 23 c'hrogad er bloaz kentañ. En eil koulzad e ra berzh gant e skipailh hag echuiñ a ra trede eus e boull.

Merket eo gant Asier Garitano, gourdoner nevez ar skipailh kentañ.

Real Sociedad (2018-)

Kregiñ a ra ar c'houlzag 2018-2019 gant skipailh kentañ ar Real Sociedad. E miz Eost 2018 e astenn e gevrat gant ur bloavezh ouzhpenn, o chom er c'hlub betek 2020.

C'hoari a ra e kampionad rummad kentañ Bro-Spagn d'ar 26 a viz Du 2018 a-enep ar Celta Vigo, e Stad Anoeta e Donostia. Ur sizhun goude e c'hoari ar c'hrogad a-bezh el Liga d'an 2 a viz Kerzu 2018 a-enep ar Real Betis, e Sevilla. Tri deiz goude, d'ar 5 a viz Kerzu 2018 emañ war an dachenn e-pad 90 munut en ur c'hrogad eus Kib Bro-Spagn a-enep ar Celta Vigo. E miz Genver e c'hoari c'hoazh e Kib Bro-Spagn er c'hrogadoù mont ha dont a-enep ar Real Betis. D'an 12 a viz C'hwevrer 2019 e astenn e gevrat gant daou vloavezh, o chom er Real Sociadad betek 2022. E-pad e goulzad kentañ gant ar strollad micherel e c'hoari pevar c'hrogad er c'hampionad ha tri c'hrogad er C'hib, evit un amzer c'hoari a 528 munut.

Er c'houlzad da heul, 2019-2020, e ya e-barzh ar skipailh kentañ da vat, el Liga. Difenner kreiz eo e miz Eost 2019 evit krogad kentañ ar c'hampionad a-enep Valencia CF, hag evit an eil devezh a-enep an RCD Mallorca. C'hoari a ra ouzhpenn 3000 munut er c'houlzad. Astenn a ra e gevrat gant ar c'hlub euskarat betek 2024.

E miz Gouere 2022 eo astennet e gevrat betek 2026.

Dibabidi Bro-Spagn

Disklêriañ a ra e 2020 e hunvre da c'hoari e-barzh skipailh Bro-C'hall, met n'eo ket dibabet gantañ. Mont a ra da gaout ar vroadelezh spagnol d'ar 24 a viz Mae 2023.

Galvet eo evit c'hoari e-barzh Kevre ar Broadoù d'an 2 a viz Even 2023. C'hoari a ra e c'hrogad kentañ d'ar 15 a viz Even a-enep Italia en hanterc'hourfenn (trec'h 2-1).

War roll Luis de la Fuente emañ evit an Euro 2024. Kemennet eo e-pad ar c'hrogad poull a-enep Italia, hag ur wech all e-pad ar c'hardgourfenn a-enep Alamagn. Astalet eo evit an hanterc'hourfenn a-enep Bro-C'hall.

Loreadeg

Klub

Dindan liv ar Real Sociedad e ya Kib Bro-Spagn mell-droad gant Robin Le Normand e 2020.

Evit Spagn

Mont a ra ar maout gant Robin Le Normand ha Skipailh mell-droad Bro-Spagn e Kevre ar Broadoù e 2023.