Rag'n'Bone Man
Aspetto
C'l artìcul chè 'l è scrit in
Miranduléś |
«
Maybe I'm foolish, maybe I'm blind thinking I can see through this and see what's behind, got no way to prove it so maybe I'm blind but I'm only human after all, I'm only human after all, don't put your blame on me.»
(EN)(Human, 2016)
«
A gh'è 'l caś ch'a sia stùpid o fórsi òrub a pinsàr ch'a pòsa guardàr da 'd là ad cal lavōr chè e védar cuś a gh'è, a n gh'ò minga la manéra 'd dimustràr-al dònca 'l è fàcil ch'a sia òrub ma in fiṅ di cònt a sòṅ sōl 'n ès'r umàṅ, in fiṅ di cònt a sòṅ sōl 'n ès'r umàṅ, minga dascargàr-'m adòs al tò cólpi.»
(MUD)
Rory Graham (Uckfield, 29 ad Śnar dal 1985), cgnusû méj c'n al nóm 'd art ad Rag'n'Bone Man ch'a vōl dir „Al strasàr“, 'l è 'n cantànt Blues e Soul britànic, cun na vóś da barìtun.
'L à catâ 'l sucès in dal 2016 c'n al braṅ Human ch'al gh l'à cavàda a catàr spasi in di prim pòst dal clasìfichi in Európa. 'L an dòp al s è purtâ a cà 'l Brit Award for British Breakthrough Act, prèmi dâ da l'indùstria di discugràfic britànic.
Discugrafìa
Àlbum in Studi
- 2017 - Human
EP
- 2012 - Bluestown
- 2014 - Wolves
- 2015 - Disfigured