L'esperimento del dottor K.
C'l artìcul chè 'l è scrit in
Miranduléś |
L'esperimento del dottor K. | ||
La Owens e David Hedison in na figùra dal film | ||
'L esperimènt dal dutōr K. 1958 | ||
---|---|---|
Regìa: Kurt Neumann | ||
Scritōr: James Clavell • George Langelaan | ||
Atōr: Vincent Price • David Hedison • Torben Meyer Patricia Owens • Herbert Marshall • Eugene Borden Kathleen Freeman • Betty Lou Gerson • Bill Clark | ||
Müsica: Paul Sawtell | ||
Léngua: Ingléś • Francéś | ||
Dürä dal film: 94 minüt | ||
Nasiōṅ: Stat Unî |
L'esperimento del dottor K. (’L esperimènt dal dutōr K.) 'l è 'n film fantàstic e ad scarésa dal 1958 ad Kurt Neumann, trat da 'l racònt „La mósca“ dal 1957 ad George Langelaan.
La pelìcula l'à dâ pò vita a dū séguit, La vendetta del dottor K. dal 1959 e La maledizione della mosca dal 1965, e a 'n arfacimènt in dal 1986 da 'l tìtul La mosca ad David Cronenberg.
Cl'òpra chè l'à muciâ sù tri migliòṅ ad dòlar dòp ès'r-an custàda quatarsènt-mila a 'l incìrca.
Sunt
L’Hélène Delambre (Patricia Owens) la cunfèsa dimóndi squasàda a sò cugnâ François (Vincent Price) e a 'l ispetōr Charas (Herbert Marshall) 'd avēr péna masâ sò marè, al siensiâ André (David Hedison), schisànd-ag la tèsta e 'n bras druànd na prèsa idràulica. La dóna la cònta na stòria ch'a s fà fadìga a créd'r-ag.
André Delambre 'l iva finî da pôc un tele-traspurtadōr, na màchina bòna ad dasfàr la matèria in dal spasi e 'd trasferìr-la incóra misa insém da n'atra banda. Dòp avēr sperimentâ ch'la funsiunàva cun di ugèt, 'l óm 'l iva decìś ad pruvàr-la su 'd lò. Quànd 'l éra andâ dènt'r a 'l machinàri al n iva però minga fat a mènt che na mósca la s éra insfilsàda sèg. 'L esperimènt al s éra trasfurmâ acsè in na tragèdia esénd che 'l óm al s éra materialiśâ in dla gabìna cun na tèsta e 'n bras 'd insèt.