La casa 4
C'l artìcul chè 'l è scrit in
Miranduléś |
L'Annie Ross in na figùra dal film | ||
La cà 4 1989 | ||
---|---|---|
Regìa: Fabrizio Laurenti (firmâ Martin Newlin) | ||
Scritōr: Harry Spalding • Daniele Stroppa | ||
Atōr: David Hasselhoff • Linda Blair • Annie Ross Catherine Hickland • Hildegard Knef • Kara Lynch Leslie Cumming • Rick Farnsworth • Ely Coughlin | ||
Müsica: Carlo Maria Cordio • Randy Miller | ||
Léngua: Itagliàṅ | ||
Dürä dal film: 95 minüt | ||
Nasiōṅ: Itàglia |
La casa 4 (La cà 4) 'l è 'n film ad scarésa dal 1989 ad Fabrizio Laurenti ch'al s firma Martin Newlin. 'L è stâ girâ in dal Massachusetts cun la prudusiòṅ ad Joe D'Amato ma a n gh'éntra gnint c'n i film La casa e la casa 2 ad Sam Raimi.
A 'l èstar i al cgnósan cuma “Witchery” in di Stat Unî, cuma “Witchcraft” in dal Régn Unî, cuma “Bruxa - Encontros Diabólicos” in Braśìl, cuma “Encuentro con la maldad” in Spaggna e cuma “Démoniaque présence” in Frància.
Sunt
In n'ìśula dal Massachusetts ch'la fà vgnir i śgriśōr, la Leslie (Leslie Cumming) e 'l sò muróś Gary (David Hasselhoff) i èṅ drē a far di studi su na cà in dua dimóndi an prima a s diś che na stria ch'la spetàva 'n putèṅ la s éra masàda butànd-as śò par na fnèstra par scapàr via a la gint arliàda sèg ch'la la vliva cupàr. La ragàsa la scriv méntar Gary al tira śò incòsa faghénd dal fóto.
A riva lè anc Freddie Brooks (Robert Champagne) cun sò mujér Rose (Annie Ross) e sò fiōla Jane (Linda Blair) parchè al vōl far dvintàr la cà 'n hutèl. La stria (Hildegard Knef) la salta fóra, vistìda tut ad négar, par far-i fóra tut òṅ dòp c'l àtar.