Leprechaun (film)
C'l artìcul chè 'l è scrit in
Miranduléś |
La Jennifer Aniston in na figùra dal film | ||
id. 1993 | ||
---|---|---|
Regìa: Mark Jones | ||
Scritōr: Mark Jones | ||
Atōr: Jennifer Aniston • Robert Hy Gorman Warwick Davis • Ken Olandt • David Permenter Shay Duffin • Mark Holton • Raymond C. Turner | ||
Müsica: Kevin Kiner | ||
Léngua: Ingléś | ||
Dürä dal film: 92 minüt | ||
Nasiōṅ: Stat Unî |
Leprechaun (id.) 'l è 'n film ad scarésa dal 1993 scrit e dirèt par Mark Jones ch'l à vèrt la série di film di Leprechaun c'n i séguit Leprechaun 2 (1994), Leprechaun 3 (1995), Leprechaun 4 - Nello spazio (1997), Leprechaun 5 (2000), Leprechaun 6 - Ritorno nel ghetto (2003) e 'l arfacimènt Leprechaun: Origins (2014).
Al film 'l à muciâ sù òt migliòṅ e mèś ad dòlar, dimóndi da piò di cóst fér'm a nuvsènt-mila.
Sunt
In dal 1983 Daniel O'Grady (Shay Duffin) al tórna a cà da 'n viàś in Irlànda e al diś a sò mujér (Pamela Mant) ch'al gh l'à cavàda a ciapàr un Leprechaun (Warwick Davis) e a fargàr-'g al sò òr. Méntar lò al và a saplìr-'l in giardèṅ, al fulét catìṿ al salta fóra da la valìś e al cópa la dóna. Quànd 'l óm al tórna in cà 'l al férma druànd un quadarfój e pò al próa a bruśàr-al viṿ ma a gh vèṅ 'n infàrt e al mōr.
Déś an dòp J.D. Redding (John Sanderford) e sò fiōla Tory (Jennifer Aniston) i còmpran la cà di O'Grady p'r andàr-'g a star. Quànd i rìvan lè i càtan Nathan Murphy (Ken Olandt), sò fradèl Alex (Robert Hy Gorman) e 'l sò amìg stùpid Ozzie Jones (Mark Holton) ch'i èṅ drē a dar-ag la pitùra. Sénsa vlēr al minciòṅ al vèra la casa in du 'l éra sarâ 'l leprechaun librànd-al. 'N arc-celèst al gh fà védar in du 'l éra lugâ 'l òr e Ozzie al và a pascàr la pgnata cun sèg Alex ch'al gh'à paùra ch'al s faga mâł. Quànd a salta fóra 'n sachét pîṅ ad munédi 'd òr, Ozzie al in manda śò una.
Ma 'l leprechaun al vōl indrē al sò teśôr e 'l è prònt anc a cupàr par far-al.