Flosponto
Etoso
Flosponto (ankaŭ: boatponto) estas ponto kiu flosas sur la akvo sur pluraj pontonoj. Plejofte ĝi estas konstruata nur kiel provizora ponto ĉar ĝi estas grava malhelpo por la ŝipveturado.
Flosponto estas rapida kaj malmultekosta maniero por fari interbordan ligon. La malavantaĝo estas ke oni ne povas trasube ŝipveturi. La ununura maniero por trapasigi la sipojn estas forveturi parton de la ponto. La ponto ankaŭ estas sufiĉe moviĝema. En plezurparkoj tio tamen estas avantaĝo, ĉar oni spertas tian moviĝantan ponton kiel amuziĝo.
Permanentaj flospontoj
La flosponto Reĝino Emma en Vilemstado sur la insulo Curaçao (konata kiel pontjesbrug) povas malfermiĝi por la ŝipveturado per forveturado de unu flanko. La alia flanko de la ponto ĉarniras ĉe la moleo.