Siegfried Ochs

Siegfried Ochs (* 19-an de aprilo 1858 en Frankfurto ĉe Majno; † 6-an de februaro 1929 en Berlino) estis germana ĥordirigento kaj komponisto. Kiel komponisto li ankaŭ uzis la kaŝnomon Diego Fischers.

Vivo

Ochs studis komence ĉe la Universitato de Hajdelbergo kemion, tamen kromlaboris jam ĉe la urba teatro kiel pianakompanisto kaj scenaranĝo-pentristo. En 1878 li iris al la Altlernejo por Muziko je Berlino, kiun tiam estris Joseph Joachim (1831–1907). En la jaro 1882 li fondis la Filharmonian Ĥoron je Berlino, kiun li direktis ĝis sia morto. En 1920 la ĥoro estis malfondita pro financaj kaŭzoj kaj daŭrigata kiel ĥoro de la altlernejo por muziko, je kiu instruis Ochs.

Dum la nazia epoko la verkoj de la judo Siegfried Ochs estis malpermesataj.

Li komponis komikan operon, ĥorverkojn, duetojn, lidojn. Liaj plej konataj verkoj estas la kanto „Dank sei Dir, Herr“ kaj la parodiado de 14 famaj komponistoj, inter ili Bach, Haydn, Mozart, Beethoven kaj Wagner, per kunfandado de unu el iliaj famaj verkoj kun la popolkanto Kommt ein Vogel geflogen.

Similan formon de muzika parodio faris Karl Hermann Pillney per la popularmelodio Was machst Du mit dem Knie, lieber Hans, beim Tanz kaj Ulrich Sommerlatte per Der alte Peter.

Verkoj

Propraj verkoj

• Musikalische Eskapaden. Nordwestdeutsche Philharmonie unter Peter Falk. 1994. CD (Philips)
• Was machst du mit dem Knie, lieber Brahms. Gerrit Zitterbart, Piano. 2004. CD (Edition Ohrwurm)

Kiel interpretisto

• En la jaroj 1927–1928 kelkaj registraĵoj kun la Filharmonia Ĥoro Aufnahmen por Electrola. Li registrigis i.a. pecoj el verkoj de Heinrich Schütz, Johann Sebastian Bach, Georg Friedrich Händel kaj Wolfgang Amadeus Mozart same kiel proprajn ĥorkomponaĵojn.

Traktaĵoj

• Geschehenes, Gesehenes. Leipzig und Zürich: Grethlein & Co. 1922 (Autobiographie)
• Der deutsche Gesangverein für gemischten Chor. Teil 1–4. Berlin: Hesse 1923 - 1928 (über Aufbau und Leitung des Vereins [Teil 1] sowie Beispiele aus der Aufführungspraxis von Schütz bis Reger [Teil 2–4])
• Über die Art, Musik zu hören: ein Vortrag, gehalten in der Deutschen Gesellschaft 1914 zu Berlin. Berlin: Werk-Verl. 1926

Literaturo

• Kurt Singer: Siegfried Ochs, der Begründer des Philharmonischen Chors. Berlin: Werk-Verl. 1933

Ligoj eksteren

• Biografie von Siegfried Ochs auf Bach Cantatas Website (englisch)