Parisko barrutiak

Parisko mapa, arrondissement edo barrutietan banatua.

Parisko barrutiak Frantziako hiriburua den Parisen banaketa administratibo bat da. Orotara, 20 daude. Frantses arrondissement deritze. Kasu honetan, hiri barrutiak dira (arrondissement municipaux), ohiko moduan, frantsesez, arrondissement bakarrik deituak. Ez dira departamentuetako arrondissement edo Frantziako departamendu barrutiekin nahastu behar, Frantziako 100 departamenduen banaketa administratiboak direnak. Arrondissement edo barruti bakoitzaren zenbakia, Parisko posta kodeetan, azkeneko bi zenbakien bidez adierazten da.

Deskribapena

20 barrutiak espiralean daude, erloju orratzen zentzuan, Ietik hasita, hiriaren erdian, Sena ibaiaren eskuineko ibarrean.

Barrutia	Izena	Hedadura (km²)	Biztanleria (1999)	Biztanleria (2005eko estimazioa)	Dentsitatea (2005) (bizt/km²)	Gehiengo biztanleria
Parisko I. barrutia R	Louvre	1,826	16 888	—	9 249 (1999)	1861 baino lehenago
Parisko II. barrutia R	Bourse	0,992	19 585	—	19 743 (1999)	1861 baino lehenago
Parisko III. barrutia R	Temple	1,171	34 248	—	29 247 (1999)	1861 baino lehenago
Parisko IV. barrutia R	Hôtel-de-Ville	1,601	30 675	—	19 160 (1999)	1861 baino lehenago
Parisko V. barrutia L	Panthéon	2,541	58 849	59 300	23 337	1911
Parisko VI. barrutia L	Luxembourg	2,154	44 919	45 800	21 263	1911
Parisko VII. barrutia L	Palais-Bourbon	4,088	56 985	55 700	13 625	1926
Parisko VIII. barrutia R	Élysée	3,881	39 314	39 200	10 100	1891
Parisko IX. barrutia R	Opéra	2,179	55 838	58 800	26 985	1901
Parisko X. barrutia R	Enclos-St-Laurent	2,892	89 612	89 600	30 982	1881
Parisko XI. barrutia R	Popincourt	3,666	149 102	150 500	41 053	1911
Parisko XII. barrutia R	Reuilly	16,324¹ 6,377²	136 591	139 100	21 813²	1962
Parisko XIII. barrutia L	Gobelins	7,146	171 533	177 900	24 895	2005⁵
Parisko XIV. barrutia L	Observatoire	5,621	132 844	134 200	23 875	1954
Parisko XV. barrutia L	Vaugirard	8,502	225 362	231 500	27 229	1962
Parisko XVI. barrutia R	Passy	16,305³ 7,846⁴	161 773	146 900	18 723⁴	1962
Parisko XVII. barrutia R	Batignolles-Monceau	5,669	160 860	160 300	28 277	1954
Parisko XVIII. barrutia R	Butte-Montmartre	6,005	184 586	188 500	31 391	1931
Parisko XIX. barrutia R	Buttes-Chaumont	6,786	172 730	185 400	27 321	2005⁵
Parisko XX. barrutia R	Ménilmontant	5,984	182 952	188 600	31 517	1936

OHARRAK:

1. Bois de Vincennesekin

2. Bois de Vincennes gabe

3. Bois de Boulogneekin

4. Bois de Boulogne gabe

5. 2005, estimazio ofizial berrienaren urtea; arrondissement edo barruti horietako biztanleriak gorantz segi dezake.

Arrondissement edo barruti bakoitza, administratiboki, lau quartier edo auzotan banatzen da. Honela, Parisek 80 quartier administratif edo auzo administratibo ditu. Horietako bakoitzean, komisaldegi bat dago.

Historia

Jatorrizko edo antzinako hamabi barrutiak. Grises adierazitako tokiak, Parisen neurria adierazten du 1860ko hedakuntzaren ondoren.

1860 baino lehenago

1795eko urriak 11n, Paris, 12 barrutitan banatua izan zen. Mendebaldetik ekialdera jarri zitzaien zenbakia, Sena ibaiaren eskumaldeko ibarrean 1etik 9ra eta 10etik 12ra Ezkerreko ibarrean.

Barruti bakoitza lau quartier edo auzotan banatzen zen, 1790ean ezarritako jatorrizko 48 auzoak zirenak.

1860 ondoren

1860ko urtarrilak 1ean, Napoleon III.ak, gertuko herrien lurraldeak eransten ditu, eta honela, hiriaren mugak handitzen ditu. Hamabi barrutiak berrantolatuak izan ziren lurralde berri horiek eransten diren aldi berean, eta horiekin, gaur egungo 20ak sortzen dira.

Erregistro historikoei erreferentzia egiten zaienean (non garrantzitsua den antzinako sistema eta sistema berriaren artean ezberdintzea), antzinako barrutiak ancienne hitzarekin adieraziak dira: "2ème ancienne" edo "8ème ancienne" adibidez.