Abderrahman Jusufi
Abderrahman Jusufi | |||||
---|---|---|---|---|---|
1998ko otsailaren 4a - 2002ko urriaren 9a ← Abdellatif Filali - Driss Jettou (en)
1992 - 2003ko urriaren 28a ← Abderrahim Bouabid - Mohamed El Yazghi (en) | |||||
Bizitza | |||||
Jaiotza | Tanger, 1924ko martxoaren 8a | ||||
Herrialdea | |||||
Bizilekua | Cannes | ||||
Lehen hizkuntza | arabiera | ||||
Heriotza | Casablanca, 2020ko maiatzaren 29a (96 urte) | ||||
Heriotza modua | berezko heriotza: kardiopatia | ||||
Hezkuntza | |||||
Hizkuntzak | arabiera ingelesa | ||||
Jarduerak | |||||
Jarduerak | politikaria eta abokatua | ||||
Jasotako sariak | |||||
Sinesmenak eta ideologia | |||||
Erlijioa | islama | ||||
Alderdi politikoa | Herri Indarren Batasun Nazionala |
Abderrahman Jusufi (arabieraz: عبد الرحمن اليوسفي) (Tanger, 1924ko martxoaren 8a - Casablanca, 2020ko maiatzaren 29a) marokoar politikaria izan zen.
Bizitza
[aldatu | aldatu iturburu kodea]Zuzenbide-ikasketak egin ondoren eta legegizon gisa lan egin eta gero (Arabiar Legegizonen Batasuneko presidente izan zen 1969tik 1990era), Istiqlalen sartu zen 1943an. Alderdi horretan, Casablancako langileen arazoez eta Frantziara ihes egindako marokoarren arazoez arduratu zen. Muhammad V.a kargutik kendu zutenean, erresistentzia-mugimendua antolatzen parte hartu zuen (1953-1955). 1959an, Marokoko Herri Indarren Nazio Batasuna sortu zuen Mehdi Ben Barkarekin batera, eta Attahrir alderdiaren egunkariko erredakzioburu izendatu zuten. Bitan espetxeratu zuten, 1959an eta 1963an, eta erbesteratu egin zen 1965etik 1980ra. Herri Indarren Batasun Sozialistaren (USFO) alderdiko ordezkari egin zuten atzerrian.
1980an Marokora itzuli zenean, alderdiko idazkari izan zen, baina dimisioa aurkeztu zuen 1993an, hauteskunde legegileetako iruzurraren kontra. Hala ere, 1995ean, bere kargura itzuli zen. 1996an, Konstituzioa berritzeko botoa eskatu zuen. 1998an, Hassan II.a erregeak abiarazi zuen demokraziarako zabalkundearen barruan, lehen ministro izendatu zuten. Azkenik, 2003an utzi zuen politika.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.