Enrique Urbizu
Enrique Urbizu | |
---|---|
Bizitza | |
Jaiotzako izen-deiturak | Enrique Urbizu Jáuregui |
Jaiotza | Bilbo, 1962ko azaroaren 6a (61 urte) |
Herrialdea | |
Hezkuntza | |
Heziketa | Euskal Herriko Unibertsitatea |
Hizkuntzak | gaztelania |
Jarduerak | |
Jarduerak | film-zuzendaria eta gidoilaria |
Jasotako sariak | |
Enrique Urbizu Jauregi (Bilbo, 1962ko azaroaren 6a - ) euskal gidoigile eta zinema zuzendaria da.
Biografia
[aldatu | aldatu iturburu kodea]1980ko hamarkadan hasi zen zinemagintzan, eta orduz geroztik nahiago izan du beti beste batzuen enkarguak hartzea eta burutzea bere proiektu pertsonalak garatzea baino. Izan ere, beti esan du artistatzat baino areago, zinemagintzaren profesionaltzat duela bere burua.
Zuzendu zuen lehen film luzea Tu novia está loca (1987) komedia izan zen. Hurrengo lanek ere komedia izan zuten ardatz: Todo por la pasta (1990), Cómo ser infeliz y disfrutarlo (1993), eta Cuernos de mujer (1995). Azken biak Carmen Rico Godoy idazlearen eleberrietan oinarritutako lanak izan ziren. 1995. urtean, Arturo Pérez-Reverteren Cachito eleberrian oinarrituta, izen bereko gidoia idatzi eta filma zuzendu zuen. Ondoren, telebistarako El hermano pequeño (1998) lana egin zuen, Manuel Vázquez Montalbánen Pepe Carvalho pertsonaia ezagunaren istorioa kontatuz.
Nazioarteko sona 1999an Roman Polanskik zuzendutako The Ninth Gate filmaren gidoia idatzi zuenean heldu zitzaion; Pérez Reverteren El club Dumas nobela oinarri hartuta idatzi zuen orduko hartan ere Urbizuk gidoia. 2001. urtean Gibraltarko itsasertzean kokaturiko thriller bat idatzi eta zuzendu zuen, La caja 507.
Madrilen bizi da aspaldiko partez.
Filmografia
[aldatu | aldatu iturburu kodea]- 1988: Tu novia está loca
- 1991: Todo por la pasta
- 1994: Cómo ser infeliz y disfrutarlo
- 1995: Cachito
- 1995: Cuernos de mujer
- 2002: La caja 507
- 2003: La vida mancha
- 2006: Adivina quién soy (telefilm)
- 2011: No habrá paz para los malvados
- 2018: Gigantes
- 2021: Libertad
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]- (Ingelesez) Artikulua imdb.com
- (Gaztelaniaz) Euskadiko Filmategia[Betiko hautsitako esteka]